Altadis tabakoa ekoiztu eta saltzen duen enpresa hispano-frantziarra da. 1999an Tabacalera eta Seita enpresen bateratzearen ondorioz sortua. Europako zigarroen hirugarren ekoizlea da, eta hainbat marka ezberdin salerosten ditu. Horrez gain, habanoen salmenten %50a kontrolatzen du. Horrez gain, garraioan ere aritzen da, Logista enpresako akziodun nagusia delarik eta Nacex, Integra2 eta beste hainbat garraio enpresen jabe da.
2007an Imperial Tobacco britainiarrak akzioen gehiengoa erosi zuen 16.200 milioi euro ordainduz[1]. 2008ko otsailean Altadisen akzioek Madrilgo burtsan kotizatzeari utzi zioten.
Markak
Altadisek honako zigarro eta habano marken jabe da:
- Zigarroak: Gauloises, Fortuna, Gitanes, Ducados, Nobel, Royale, Amsterdamer.
- Puruak: Cohiba, Montecristo, Partagás, Don Diego, Romeo y Julieta, Longchamp eta Vegafina.
Erreferentziak
Ikus, gainera
Kanpo estekak
