Alix de Méranie
Irudi gehiago
Bizitza
Jaiotza	1218 (egutegi gregorianoa)
Heriotza	Évian-les-Bains, 1279ko martxoaren 8a (60/61 urte)
Familia
Aita	Otto I
Ama	Beatrice II, Countess of Burgundy
Ezkontidea(k)	Hugh III, Count of Burgundy (en)  (1236ko azaroaren 1a - Philip I, Count of Savoy (en)  (1267ko uztailaren 11 -
Seme-alabak	ikusi Otto IV, Count of Burgundy (en) Reginald of Burgundy (en) Guyonne de Bourgogne-Comté (en) Elizabeth de Chalon-Burgund-Ivrea (en) Hippolyte de Bourgogne, Dame de Saint-Vallier (en) Agnes de Bourgogne, Dame de Saint Aubin (en) Jean I de Bourgogne, Seigneur de Montaigu (en)
Haurrideak	ikusi Otto III (en) Beatrix of Andechs-Merania (en) Marguerite of Merania (en) Agnes of Merania (en) Elisabeth of Andechs-Merania (en)
Leinua	Ivreako etxea Savoiako etxea Counts of Andechs (en)
Jarduerak

Meranieko Alix edo Adelaide Borgoinakoa (Évian-les-Bains, c. 1218 – 1279ko martxoaren 8a) noblea izan zen. Borgoinako kondesa izan zen 1248tik hil arte; eta Savoiako kondesa, Filipe I.a Saboiakoa kondearekin ezkondu ostean. 1248an Oton III.a neba hil ostean, Borgoinako konderria jaso zuen, eta horrek Rodolfo I.a enperadorearekin gatazkan jarri zuen.

Alix edo Adelaide 1218 urtean jaio zen, Oton I.a Andechseko eta Moraviakoa dukearen eta Beatriz II.a Borgoinakoa kondesaren (Oton I.aren eta Margerite Bloisekoaren alaba) bosgarren alaba izan zen. 1231n hil zitzaion ama. Ondoren, aita berriz ezkondu zen, Henrike I.aren Sofia Anhaltekoa alabarekin, baina 1234an aita hil zen. Ondorengotza lehenengo ezkontzako Oton III.ak hartu zuen, bigarren batasunean ez baitzuen oinordekorik izan.

1236ko azaroaren 1ean Alemaniako Chalongo Hugorekin ezkondu zen, Salinseko jauna zen Chalongo Jean I.a kondearen eta Borgoinako Mathilderen semearekin. Negoziazioak 1227an hasi eta 1231n bukatu ziren, Alixen aitak alaba bat Hugori emango zuela hitz eman zuenean .

13 seme-alaba izan zituzten:

• Oton IV.a Borgoinakoa, Othenin izenarekin ezaguna (1248 † 1303 baino lehen), Borgoinako kondea 1279tik 1303ra;
• Hugues (1312an bizi zen);
• Etienne († 1299), kalonjea;
• Renaud de Bourgogne († 1322) Montbéliardeko kondea, Guillemette Neufchâtelgoarekin ezkondua;
• Henri, kartzelan hila;
• Jean († 1302), Montaiguko jauna, Faverneyn lurperatuta, Cherlieu abadiaren elizara eraman zuen bere anaia Oton IV.a Borgoinakoa;
• Élisabeth († 1275), 1254an ezkondu zen Kibourg Hartmann V kondearekin († 1263);
• Hippolyte († 1283 );
• Guyonne († 1316);
• Agnes;
• Marguerite, moja Fontevraud abadian;
• Beatrix (1313 inguruan hila), moja (1266 baino lehen), gero Baume-les-Dames-eko abadesa;
• Alix, Fontevraud Abadiako moja.