Alba Matilla (Avilés, Asturias, 1998) artista da. Mundu digitala eta pintura uztartu ditu artistak, eta hainbat industrialdetako txoko abandonatuak oroitzeko unibertso digital bat eraiki du.^[1]

Arte Ederretan graduatu zen Alba Matilla, Vigoko Unibertsitatean (Galizia), eta pinturan espezializatu zen Krakoviako Arte Ederren Akademian (Polonia). Denbora tarte batez kultura kudeaketaren arloan lan egin ostean, arte garaikidearekin lotutako Ikerketa eta Sorkuntza masterra egin zuen Euskal Herriko Unibertsitatean.^[1]

• El Santuario 3 D. Abandonatuen memoriagunea. Erakusketa kolektibo eta arte garaikideko jaialdi askotan izan da ikusgai Matillaren lana: Bilbon, Pontevedran eta Coruñan (Galizia), Madrilen, Londresen, Marseillan (Frantzia), Monçaon (Portugal)… baina, bakarka, Gasteizen aurkeztu zuen lehenbiziko aldiz bere lana, 2024an. Montehermoso jauregian.^[2] Fotogrametria izeneko teknika erabili du inguru birtuala sortzeko. ^[3][4] Proiektuaren komisarioa eta tutorea Mawatres izan da.^[5]