Vazačka (germane: Wasatschka aŭ Wassatschka kaj Wasačka) estas pereinta domaro en Ĉeĥio, en distrikto Mladá Boleslav, en la suda parto de eksa soldata ekzercspaco Ralsko, pro kies fondo ĝi pereis. Ĝi situis proksimume 2 km nordokcidente de Bělá pod Bezdězem, al kiu ĝi estis administre subigita. La devena prenita katastra teritorio estis Bělá pod Bezdězem, la nuntempa estas Vrchbělá en la novepoka urbo Ralsko.
Tempo de la estiĝo verŝajne ne estas konata. Mencias ĝin Historia leksikono de municipoj de Ĉeĥio komencante de popolnombrado en la jaro 1869, sed ĝi aperas sur mapo de unua soldata mapigado el la jaroj 1764–1768.
Ĝis la jaro 1950 ĝi apartenis en la eksan distrikton Mnichovo Hradiště. Envicigo en la armean spacon post la jaro 1945 signifis ĝian pereon. En la loko de la domaro estis konstruita areo de kazerno.
Post foriro de la sovetaj soldataroj la soldatan objekton transprenis Ministerio de defendo, kiu transgvidis ĝin en la jaro 2007 en proprumadon de Bělá pod Bezdězem. La urbo sekve la konstruaĵojn kaj parcelojn proponis al vendo por entreprenistoj kaj firmaoj. Estis ĉi tie konstruita industria zono kun nova priserva komunikilo.
Post kelke da domoj de la devena domaro restis kelke da rimarkeblaj restaĵoj en aspekto de metro altaj perimetraj muroj. La lokon de Vazačka parte rememorigas proksima masonita niĉa kapeleto en soliĝinta grupeto de kvar eskuloj, kiu estis en bedaŭrinda stato riparita en la jaro 2012.
