Okna (germane: Woken aŭ Wokna) estas pereinta municipo en Ĉeĥio, en distrikto Česká Lípa, en la norda parto de eksa soldata ekzercspaco Ralsko, pro kies fondo ĝi pereis. Ĝi situis proksimume 5,5 km nordoriente de Kuřívody kaj 9 km sudoriente de Mimoň. La devena prenita katastra teritorio estis Okna, nun tiuj ĉi parceloj estas dividitaj inter katastraj teritorioj Kuřívody kaj Svébořice en la novepoka urbo Ralsko. La vilaĝo estis konstruita ĉirkaŭ fiŝlago kaj ĝi havadis tipan slavan rondan bazplanon.
Priskribo
Masonaĵo en la eksa Okna en Ralsko
Okna troviĝis ambaŭflanke de ŝoseo el Hvězdov ĝis Jabloneček en supermara alteco proksimume 320 metroj sur ebenaĵo, ĉirkaŭita de arbaroj. La vilaĝo situadis en la lokoj, kie la ŝoseo eliras el la arbaro kaj komenciĝas ascendi al la ebenaĵoj. Tra la municipo kondukis pulva ŝoseo tra Jabloneček ĝis Mnichovo Hradiště. Pro sia situo proksime de tanka pafekzercejo el la iama Okna konserviĝis neniu domo. La parceloj, sur kiuj troviĝis la pereinta municipo, estas konsisto de ĉasrezervejo Židlov.
Ununuraj konservitaj restaĵoj de la iama vilaĝo estas ĉevalejoj kaj keloj, kiuj estas profundigitaj en proksimaj rokdeklivoj apud vojo el Hvězdov. Okcidente de la municipo estadis grejsaj minejoj. Sur muroj de la iamaj minejoj eblas ekvidi spurojn post trafoj de pafaĵoj kaj skribaĵoj en azbuko, per kiuj ĉi tie "eterniĝis" membroj de Soveta armeo. Meze de la vilaĝo estis fiŝlageto. La areo de de la iama fiŝlageto estas nun tute surkreskinta, sed ĝis hodiaŭ ĉi tie kreskas du aceroj, kiuj situadis antaŭ loka lernejo.
_5.JPG)
_2.JPG)