Sándor Cserháti frekventis lernejojn en sia naskiĝurbo kaj Pozsony, poste li akiris agronomian diplomon en Ekonomia Altlernejo de Magyaróvár en 1873. Li plulernis 2 jarojn en Halle an der Saale kaj Lejpcigo. Hejmenveninta li ekinstruis en la altlernejo, kiu ĝuste tiam ricevis la rangon reĝa akademio. En 1878 li atingis la instruan rangon ordinara profesoro. Tiutempe li redaktis agronomiajn revuojn, liaj kontribuoj ofte aperis ankaŭ en aliaj gazetoj. En 1891 li establis esplorejon pri kreskaĵoj, kiun li gvidis ĝismorte. Li okupiĝis ĉefe pri sterkado.
