La Svisa Federacia Instituto pri Teknologio Laŭzano (france: École polytechnique fédérale de Lausanne, mallongigo: EPF Laŭzano aŭ EPFL) estas politeknika altlernejo de la Svisa Federacio en Laŭzano. Ĝi estis fondita 1968 el partoj de la iama kantona universitato en la komunumo Ecublens VD. Ĝi estas la franclingva frata altlernejo de la Svisa Federacia Instituto pri Teknologio Zuriko
En 2019, ĉirkaŭ 12,000 studentoj el 125 landoj studis en la politeknika lernejo. La universitato estas membro de la World University Leaders Forum kaj en 2011 aliĝis al la Euro-Tech University Alliance.
La politeknika lernejo situas en la franclingva parto de Svislando, kaj ĝia germanlingva ekvivalento estas la ETH Zurika Instituto pri Teknologio.
Inter la elstaraj profesoroj kiuj instruis en la institucio, oni povas nomi Martin Odersky, Alvaro Siza kaj Henry Markram. Kelkaj el la famaj diplomiĝintoj estas Jacques Dubois kaj Georges de Mestral. Tra la jaroj, la universitato aljuĝis honordoktorecojn multajn fojojn, inter aliaj al Ahmed Zewail, Françoise Barra-Sinoussi kaj Daphne Koller.
Historio
La radikoj de la institucio troveblas en 1853 kaj komence nur proksimume 11 studentoj studis en la institucio. En 1969 la lernejo iĝis sendependa akademia institucio en sia nuna formo.
Akademia organizo
EPFL estas organizita en ok lernejojn, kiuj mem konsistas el institutoj kiuj grupigas esplorsekciojn ĉirkaŭ oftaj temoj:
lernejo de Bazaj Sciencoj
lernejo de Inĝenierio
lernejo de Arkitekturo, Civila kaj Media Inĝenierado
lernejo de Komputado kaj Komunikado
lernejo de Vivsciencoj
kolegio pri Teknologia Administrado
kolegio de Homaroj
EPFL Mezoriento
Aldone al la ok lernejoj, ekzistas sep rilataj institucioj:
