Svislando en la mondo estas konata kiel lando de horloĝoj, montoj, ĉokolado kaj bankoj. Svislando tamen estas ĉefe lando de scienco kaj esplorado. Svislando estas la lando kun la plej granda nombro da patentoj kaj nobelpremiitoj po loĝanto. Gravan rolon en tio ludas la svisaj Universitatoj kaj universitataj altlernejoj.
Eduka sistemo
Nuntempe la svisa eduka sistemo distingas en la tria eduksektoro ankoraŭ inter universitatoj unuflanke kaj universitataj altlernejoj aŭ fakaj altlernejoj aliflanke, kvankam la tendenco estas egaligi tiujn du liniojn.
La plej multaj universitatoj kaj fakaj altlernejoj en Svislando estas organizitaj de la kantonoj. Laŭ la konstitucio ankaŭ la federacio havas la rajton havi universitatojn aŭ politeknikojn. Laŭ tiu artikolo la federacio kreis la mondfaman Svisan Federacian Instituton pri Teknologio.
