Ĝi situas je 30 km de Aranda de Duero kaj 15 km de Peñafiel (en la provinco Valladolid). Trafikpunkto de la jam malaperinta trajnlinio Fervojo Valladolid-Ariza, kiu funkciis kiel haltejo al la pasaĝeroj destine al najbaraj vilaĝoj kiuj ne havis transtacidomo kaj samtempe la transportado de varoj.
Ĝi havas areon de 19,40 km² kun 202 loĝantoj (2007).
Gravuloj
María Concepción "Concha" Díez Valcabado, eminenta pentristino de Ribera del Duero, honora filino de la vilaĝo.
Ĉiam preta fiere altigi la originojn kaj historion de Kastilio kaj Leono, ŝia longa listo de pentraĵoj estis ekspoziciataj en gravaj urboj kiaj Valjadolido aŭ Madrido kaj en multnombraj vilaĝoj apartenantaj al la komunumo kiu vidis ŝin naskiĝi, portante la pejzaĝojn kaj kolorojn de ŝia devena tero kvazaŭ standardo.
Historio
En 1007, okazis batalo en Socastillo, apudvilaĝa monto, inter la denaskaj vilaĝanoj kaj la trupoj de la filo de Almanzor (Abd al-Malik al-Muzaffar). La batalo okazis en la monto kie estis kastelo kiu pro ĝia strategia situo por la regado de la irado al Duero tra la ponto de la vilaĝo, estis obstaklo kiu malaltigis la poziciojn de la tiea armeo. Finfine, la muzulmanoj, gvidataj de la filo de Almanzor, en novembro, amasmortigis la loĝantojn kaj detruigis la kastelon.
Vidindaĵoj
Bildo de la Suferanta Virgulino de la 18-a jc.
Bildo de la Suferanta Virgulino, 18-a jc.,-
Nokta vidaĵo de la Preĝejo
Preĝejo de la 16-a jc.,- Ĝi estas en la plej altaĵo de San Martín de Rubiales, ĝia konstruado baziĝas sur la katedrala arkitekturo
Tipaj vinkelojVinkeloj
Vinkeloj (ĉ. la jaro 1600),- La propietaĵo de la vinkeloj estas tre familia, aŭ pro interkonsento de pluraj najbaroj, kiuj posedas apartajn ejojn aŭ individuajn ejojn ene de la sama vinkelo.
La konstruado de la vinkeloj estis realigita dum epokoj kiam ne eblis okupiĝi pri la respondecaj laboroj de la kamparo, aŭ pri la jarsezono aŭ nekonvena vetero. Ĉio estis manfarite aŭ per la bovhelpo. En multnombraj vinkeloj estis konstruitaj vinujoj por ĝia ellaborado, ankoraŭ multaj el ili konservas tiujn vinujojn. Multaj reformis la fasadon per ŝtonoj de la antikva preĝejo de Sankta Maria, kiu situis apud la nuna tombejo.
Romia ponto sur la rivero Duero,- Tiu ĉi ponto havis gravan strategian situon dum la paso de la tempo.
La Vojoj
La Vojoj,- (hispane: Las Sendas) kampara vojo, kiu komenciĝas en San Martín de Rubiales ĝis Bocos de Duero, en la provinco Valladolid, ĝi estas la tipa vojo por la promenado de la vilaĝanoj kaj deviga al ĉiuj vizitantoj. Ĝi estas milda promenejo kie oni povas ĝui la belecon de la pejzaĝo (rivero kaj malproksima montaro).
