Oberglatt situas en la Glattvalo je ambaŭ flankoj de la rivero Glatt. La komunumo konsistas el la ĉefvilaĝo Oberglatt kaj la lokoj Hofstetten kaj Grafschaft. Oriente de la komunumo troviĝas la interkontinenta flughaveno Zuriko, pro kio la komunumo multe suferas pro la bruo de la aertrafiko unuflanke, sed aliflanke profitas kaj dependas ekonomie de ĝi.
La teritorio de la komunumo etendiĝas sur areo de 8,29 km², de kiuj 19,6% estas kovritaj de arbaro, 51,5% servas por agrikulturo kaj 12.1% por setlejoj.
