La Muzeo de Moderna Arto de Parizo (france Musée d'Art moderne de la ville de Paris [myze daʁ mɔdɛʁn də la vil də paʁi]) estas muzeo situanta en Parizo, dediĉita al arto de la 20-a jarcento. Ĝi situas ĉe n-ro 11 de Avenuo du Président Wilson en la 16-a arondismento.
Priskribo
Situanta en la orienta alo de Palaco de Tokio, konstruita por la Internacia Ekspozicio de 1937, la muzeo estis malfermita en 1961. Ĝiaj kolektoj inkluzivas pli ol 8 000 verkojn, kiuj ilustras diversajn tendencojn de arto de la 20-a jarcento. Estas ekspozicioj pri ĉefaj movadoj kaj elstaraj artistoj de la eŭropa scenejo de la 20-a jarcento, kaj monografiaj kaj temaj ekspozicioj por prezenti la ĉefajn tendencojn de nuntempa arto.
Kolektoj
La kolektoj de la muzeo inkluzivas, inter aliaj, verkojn de Pablo Picasso, Henri Matisse, Raoul Dufy, Maurice de Vlaminck, Georges Rouault, Fernand Léger, Georges Braque, Francis Picabia, Amedeo Modigliani, Giorgio de Chirico, Kees van Dongen, Pierre Bonnard, Chaïm Soutine, André Derain, Suzanne Valadon, Maurice Utrillo, Robert kaj Sonia Delaunay, František Kupka, Juan Gris, Hans Bellmer, René Iché, Jean Fautrier, Jean Arp, Alberto Giacometti, Yves Klein kaj Pierre Soulages.
Direktoroj
- René Héron de Villefosse (1961-1968)
- Jacques Lassaigne (1971-1980)
- Bernadette Contensou (1981-1988)
- Suzanne Pagé (1988-2006)
- Fabrice Hergott (2007-)
Publikaj transportoj
Vidu ankaŭ
Eksteraj ligiloj
Fonto
En tiu ĉi artikolo estas uzita traduko de teksto el la artikolo Museu d'Art Modern de París en la kataluna Vikipedio.
