La mjombo[mankas fonto], aŭ brakistegio[1] (latine Brachystegia) estas genro de arboj el la subfamilio Caesalpinioideae kiuj estas hejmaj en la afrotropika ekozono. Arboj de tiu ĉi genro estas loke kaj internacie komune konataj kiel Miombo, kaj estas superregantaj en la mjombaroj aŭ mjombaj duonarbaroj de centra kaj suda Afriko.
Priskribo
La genro ampleksas speciojn de arba habito, kun platigita arbokrono. La folioj estas deciduaj, kunmetitaj, pare pinataj [2]. La floroj estas hermafroditaj, kun kaliko kunigita kun la korolo; ili estas unuigitaj en grapolan infloreskon. La fruktoj estas duvalvaj guŝoj, malfermiĝante je matureco, enhavante variigeblan nombron de platigit-formaj semoj [3].
Disvastiĝo
La mjombaroj okupas vastan areon de centra kaj suda Afriko kiu etendiĝas okcidente ekde Angolo ĝis Tanzanio oriente, kaj suden ĝis Sud-Afriko. Krom en tiuj landoj, mjombo ankaŭ troviĝas en Burundo, Demokratia Respubliko Kongo, Malavio, Zambio, Mozambiko kaj Zimbabvo [4].
Specioj
Vidu ankaŭ
Referencoj
