La provinco Ĝenovo (italeprovincia di Genova) estas provinco en la regionoLigurio de Italio, kiu ekde la 1-a de januaro 2015 oficiale havas la nomon Metropola urbo Ĝenovo, italeCittà Metropolitana di Genova. Fine de 2022 en la areo de 1 838 km² vivis 814 152 loĝantoj.
La metropolaj oficejoj estas ĉe palaco Doria-Spinola en Ĝenovo, kie ankaŭ estas la oficejoj de la prefektejo.
Ĝi limas al la regionoj Piemonto (provinco Alesandrio) kaj Emilio-Romanjo (provincoj Piaĉenco kaj Parmo)
Ligurio estas geografie dividita en tri zonoj: la maro, la monteta zono kaj la montaro. Ankaŭ la Ĝenova provinco estas tiel dividita, montrante panoramoj kiel klifaroj apike sur la maro, vilaĝoj arokitaj sur montoj aŭ Ĝenovo mem, granda mara urbo alpremita inter la maro kaj la montoj. En la provinco estas kvar regionaj parkoj kaj unu mara protektita areo (mara areo de Portofino).
La geografiaj zonoj kiuj plej estas vizitataj de turistoj, krom Ĝenovo, estas la Golfo Paradizo kaj Tigulio. Lastatempe ankaŭ la landinterno iĝas ĉiam pli vizitata de tiuj kiuj ŝatas la malgrandajn montarajn vilaĝojn de Ligurio.
Pro la morfologio de la teritorio, la altitudo de la reliefoj kiuj kunestas kun la maro la provinco de Ĝenovo havas unikajn ecojn ĉar, en malmultaj kilometroj, kunvivas nekutima enseblo de nordaj kaj sudaj plantoj kaj bestoj, de la sudaj arbustoj kiel mirto, arbuto kaj arboj kiel oranĝo, lemono, apuntio kaj bestoj kiel geko (kiuj estas tipe de suda Italio) sed, samtempe je mallonga distanco, estas tute alia scenejo, kun arbaroj de abioj, taksusoj kaj altmontaraj pinarboj, kaj bestoj kiel damaoj, cervoj, rabobirdoj kaj ronĝuloj kiuj estas kutimaj en alpaj regionoj kiel Aosta Valo, Trentino aŭ Suda Tirolo.
Mapo de Metropola urbo Ĝenovo kun siaj 67 komunumoj. Ruĝkolore, la komunumo de Ĝenovo.
.svg)
.svg)
