Mario VOIGT (naskiĝinta la 8-an de februaro 1977 en Jena) estas germana politikisto de CDU. De 2009 li estas deputito ĉe Turingia Landa Parlamento, de marto 2020 ĉefo de la turingia CDU-frakcio kaj de decembro 2021 opoziciestro.
Inter 1999 kaj 2000 estis prezidanto de la porstudenta unio RCDS, la unua originanta el la Novaj Federaciaj Landoj. Inter 2014 kaj 2020 li anis en trio de vicestroj de la turingiaj kristandemokratoj. Ekde 2022 li gvidas la turingian CDU-partion: tiufunkcie li estis unua kristandemokrata kandidato dum la balotoj de la landa parlamento en la septembro 2024.
Vivo
Post trapaso de la abiturienta ekzameno en 1955 ĉe Ernst-Abbe-gimnazio en sia naskiĝurbo li estis civila servisto ĉe la kliniko de la universitato de Jena. Sekvis studo de politiksciencoj, publika juro kaj historio de moderna epoko ĉe altlernejoj en Jena, Bonn kaj Charlottesville. Ĉe Eckhard Jesse en Chemnitz li doktoriĝis en 2008 pri politikaj sciencoj. Voigt laboris kie reprezentanto politika de Siemens en Bruselo, la berlina planadkomandejo de CDU kaj Konrad-Adenauer-fondaĵo en Vaŝingtono. En 2004 Voigt deĵoris por la menciita fondaĵo kiel balotadobservanto en Usono. Fine de 2007 li transprenis la entrepreno komnunikado kaj investista serĉado de la konzerno Analytik Jena kio finiĝis antaŭ 2010. Kiel strategikonsilisto de la reklamagentejo McCann-Erickson li partoprenis la Bundestag-elektokampanjon de Angela Merkel en 2005. Depost tio li engaĝiĝis diversmaniere por kontaktperado inter entreprenoj kaj politkistoj: tion inkludis ankaŭ ciferecajn elektokampanjadojn. Dum Bundestag-kampanjo de 2017 li konsilis sian partion koncerne mobilizadon.
En 2017 Voigt estiĝis profesoro pri Ciferecaj transformado kaj politiko ĉe la privata Quadriga-alternejo en Berlino.[1]
Skribaĵoj
- Politikberatung als Beruf, kun Florian Busch-Janser kaj Sandra Gerding, polisphere, Berlin 2005, ISBN 978-3-938456-01-9
- kun Holger Thuß: 50 Jahre RCDS. Fünf Jahrzehnte gelebte Studentenpolitik. Erlangen 2001, ISBN 3-921713-30-7
- Der amerikanische Präsidentschaftswahlkampf. George W. Bush gegen John F. Kerry (=Wissenschaftliche Schriften: Politik, 9), polisphere, Berlin 2010, ISBN 978-3-938456-28-6 (disertacio)
- Der amerikanische Präsidentschaftswahlkampf 2016, kun Andrea Römmele kaj Ralf Güldenzopf, speciala kajero de la periodaĵo "Zeitschrift für Politikberatung", Berlin 2017
Eksteraj ligiloj
Notoj
- ↑ biografio ĉe altlerneja paĝaro
