Margaret Zaleski-Zamenhof (denaske Małgorzata Wanda Zaleska Zamenhof, 15a de oktobro 1958, Varsovio) estas pranepino de la kreinto de Esperanto nome Ludoviko Lazaro Zamenhof kaj filino de ties nepo Louis-Christophe Zaleski-Zamenhof.
Ŝi naskiĝis kaj vivis ĝis sia 15-a jaraĝo en Varsovio, kaj poste transloĝiĝis al Francio, kie ŝi studis medicinon. Ŝi estas ĝenerala kuracisto, tabakologo kaj specialisto pri dependomalsanoj. Ŝi loĝas kaj laboras en Parizo.
Esperanto
Ŝi eklernis Esperanton en 2015, ĵus antaŭ la UK en Lillo, kiam ŝia patro festene transdonis al ŝi kaj al ŝia fratino Hanna Zaruski-Zamenhof la honoron reprezenti la Zamenhof-familion en la kongresoj kaj Esperanto-aranĝoj.
Margaret partoprenis UK-ojn en Bjalistoko (2009), Lillo (2015), Lisbono (2018) kaj partoprenis la kongreson en Lahtio (2019), kie ŝi gvidis ankaŭ atelieron pri tio, kiel dekutimiĝi pri fumado.
Margaret en julio 2019, dum la Nord-Amerika Somera Kursaro (NASK), sukcese trapasis la KER-ekzamenon je nivelo C1.
Eksteraj ligiloj
