Rigardante transe al Insulo Saint Giles ekde Malgranda Tobago.Ruĝbeka tropikbirdo nestanta en Malgranda Tobago.Bildo de Malgranda Tobago ekde Blue Waters Inn, Speyside, Tobago, kun Kapro-Insulo pli dekstre. La blanka konstruaĵo estas la estinta domo de la verkistoIan Fleming.
Malgranda Tobago ( angle : Little Tobago ) estas malgranda insulo de la nordorienta marbordo de Tobago, kaj parto de la respubliko de Trinidado kaj Tobago. La insulo mezuriĝas proksimume unu kvadrata kilometro kaj estas situanta ĉe 11° 18'-norda latitudo kaj 60° 31'-okcidenta longitudo, ĉirkaŭ 2,4 km fore de Speyside. La plej alta punkto en la insulo estas ĉirkaŭ 137 m super marnivelo.
Malgranda Tobago estas ankaŭ interesa kiel observejo por vidi birdojn kiuj reproduktiĝas en najbaraj insuletoj, inkluzive de ruĝkrura naivulo kaj grandioza fregato. Tiu ĉi ofte estas vidata dum perturbado de faetonedoj, naivuloj kaj ŝternoj.
La maro inter Tobago kaj Malgranda Tobago estas malprofunda, kaj vitro-funditaj boatoj kiel ekzemple tiu montrita malsupre ebligas vidi sur la transirejo la allogajn koralojn kaj hele-kolorajn tropikajn fiŝojn. Ĝi estas populara areo por spirtubo-naĝado kaj subakvigado, precipe sur Angel Reef plej antaŭe de Kapro-Insulo.
Historio
En 1909 William Ingram enmetis Paradisaea apoda ( paradizeedoj ) en la insulo kiel klopodo de konservi la specion de troĉasado por la plumokomerco en ĝia indiĝena Nov-Gvineo. Proksimume 45 junaj birdoj estis enkondukitaj en la insulo. Post la morto de Ingram en 1924 liaj heredantojtestamentis la insulon al la Registaro de Trinidado kaj Tobago kiel faŭnorifuĝon. La birdoj postvivis sur la insulo ĝis almenaŭ 1958 kiam ili estis filmitaj fare de Nacia Geografia veturteamo. Ekzistas neniuj fidindaj registraĵoj post 1963 kiam la Flora-Uragano trafis la insulon kaj la populacio estas verŝajne formortinta.
Bibliografio
Anthony, Michael 2001 : Historical Dictionary of Trinidad and Tobago, Scarecrow Press, Inc., Lanham, Md., and London. ISBN 0-8108-3173-2angle
Boodram, Natalie 2001 : The ecology of plant species on Little Tobago, Tobago, W.I. M.Phil. Thesis, University of the West Indies, Saint Augustine, Trinidad and Tobago. angle
