Linio C estas unu el la ses linioj de la Metroo de Bonaero. Ĝia itinero iras de la stacio Retiro ĝis la stacio Constitución, ambaŭ apud la fervojaj stacidomoj de la samnomaj kvartaloj. Ĝi estis malfermita la 9-an de novembro 1934, iĝante la tria linio de la reto provizanta servon al publiko kaj la unua havanta transversan itineron. Ĝi etendiĝas ĉefe sub la avenuo Ramos Mejía kaj la stratoj Esmeralda, Sarmiento, Carlos Pellegrini, Bernardo de Irigoyen kaj Lima Oeste. Ĝi havas longon de 4,4 km kaj entute naŭ staciojn. Ĝi uzas, kiel linioj A, D, E kaj H, kolekton de elektra energio per supertraka kontakta lineo. Linio C estas konata kiel la línea de los españoles pro la speco de verkoj kiuj estas inspiritaj de la tipaj pejzaĝoj de Hispanio. Tiel, ĝia superrega stilo estas Novkolonia, kunfandita kun indiĝenaj dekoraciaj elementoj.
Vidu ankaŭ
Eksteraj ligiloj
