Laura Lane Welch BUSH (naskita la 4-an de novembro 1946 en Midland, Teksaso kiel Laura Lane WELCH) estas la edzino de iama usona prezidanto George W. Bush kaj estis la Prezidentedzino de Usono de 2001 ĝis 2009 [1][2][3].
Welch kreskis en Midland kiel solinfano. Je dek sep jaraĝa, ŝi ne haltis ĉe haltsignalo, kaŭzante la morton de konato de la sama aĝo. Ŝi ne estis akuzita.
Ŝi gajnis bakalaŭron en elementa eduko de Southern Methodist University en 1968. Post kelkaj jaroj kiel instruisto, ŝi studis biblioteksciencon ĉe la Universitato de Teksaso en Aŭstino kaj ricevis sian magistron en 1972. Post tio, ŝi laboris kiel lerneja bibliotekisto en Aŭstino. Ĉi tie ŝi renkontis George W. Bush helpe de reciprokaj amikoj kaj geedziĝis kun li preskaŭ tri monatojn poste en novembro 1977. Kvankam ke ŝi estas edukita bibliotekisto, tamen ankaŭ laboris kiel instruisto.
Laura Bush akompanis kaj subtenis lin en liaj postaj kampanjoj por sidloko en la Ĉambro de Reprezentantoj, la oficejo de guberniestro de Teksaso kaj fine la Blanka Domo. Kiel Unua Damo, ŝi entreprenis multajn vizitojn eksterlande kaj lanĉis eltenemajn iniciatojn en la lokoj de virinaj rajtoj, media kaj monumentprotekto, eduko kaj sano [4]. Kelkajn semajnojn post la teroristaj atakoj de la 11-an de septembro 2001, ŝi iĝis la unua prezidenta edzino kiu faris la semajnan radioparolon de la prezidanto. En 2005, ŝi estis la unua Prezidentedzino post Pat Nixon se temas pri viziti Afganion, nunan militteatron de la usonaj armetrupoj. Laura Bush fariĝis unu el la plej popularaj prezidentedmoj de kiam la organizaĵo Enketo Gallup komencis enketi tiucele [5]. En 2010 ŝi publikigis sian aŭtobiografion Spoken from the Heart.
Eĉ post la prezidanteco de ŝia edzo, Laura Bush daŭrigis sian internacian engaĝiĝon al la rajtoj de virinoj. Kune kun Michelle Obama, ŝi iniciatis la Iniciaton de Unuaj Damoj por Subteni Afrikon.
Referencoj
- ↑ Laura Welch Bush. Arkivita el la originalo je July 5, 2019. Alirita July 4, 2019 .
- ↑ Biography of Mrs. Laura Welch Bush. whitehouse.gov. Arkivita el la originalo je June 26, 2009. Alirita June 23, 2009 .
- ↑ Laura Bush First Ladies Biography. National First Ladies' Library. Arkivita el la originalo je May 9, 2012. Alirita June 23, 2016 .
- ↑ Texas Governor George W. Bush: An Inventory of First Lady Laura Bush's Files (Part I) at the Texas State Archives, about 1994–1999, bulk 1995–1999. University of Texas at Austin. Arkivita el la originalo je October 11, 2008. Alirita May 25, 2008 .
- ↑ Jones, Jeffery M, "Laura Bush Approval Ratings Among Best for First Ladies", Gallup Organization, February 9, 2006.
Eksteraj ligiloj
