Kieva stacidomo (Kijevskij vokzal, ruseКиевский вокзал) estas unu el naŭ ĉefaj pasaĝeraj fervojaj stacidomoj de Moskvo, fervoja stacio "Moskva-Passaĵirskaja-Kijevskaja" de Moskva fervojo.
De la stacio forveturadas trajnoj laŭ sud-okcidenta direkto, plejparte ĝis urboj de Ukrainio.
Historio
Unua ligna unuetaĝa konstruaĵo de Kieva stacidomo (ĝis 1934 - Brjanska (Brjanskij) stacidomo) estis konstruita en 1899 sur loko kie antaŭe lokiĝis bedaroj. Tiam estis konstruita ankaŭ nova ponto trans Moskva-rivero
Nuntempa stacidomo estis konstruita en 1914 - 1917 jaroj laŭ projekto de Ivan Rerberg kaj Vjaĉeslav Oltarĵevskij. En 1934 la stacidomo akiris sian nunan nomon. Ekde 1937 tie funkcias metroo (unua el tri stacioj - "Kijevskaja" - estis malfermita la 20-an de marto1937, aliaj du aperis dum 1950-aj jaroj); arkitekto de la unua metrostacio — Dmitrij Ĉeĉulin — en 1940 - 1945 aldonis al Kieva stacidomo alkonstruaĵon por biletvendejoj kaj metroan vestiblon. Tiom multe da metrostacioj estas kaŭzita de ekzistanta ideo pri organizado de propla elveturejo por Josif Stalin el Kremlo al lia apudmoskva daĉo ne realigita pro morto de Stalin en 1953[1].
En 1976 estis konstruitaj novaj ejoj por aŭtomata depono de provizo.
Arkitekturo kaj teknikaj detaloj
Varfo kaj kajoj
Kieva stacidomo estas ĉefa konstruaĵo de placo. Ĝia fasado estas orientita al centro de urbo. De la placo bone videblas ĝia turo kun horloĝo (alteco 51 m), dekorita per skulptaĵoj de agloj. Sur la konstruaĵo estas skulptaĵoj, reprezentantaj industrion kaj agrikulturon de sudaj regionoj.
Al ĉefa konstruaĵo aliĝas varfo (rekonstruita en 2003 - 2004). Spaco super la kajoj estas kovrita per grandega arka kovrilo kun formo de parabolo (28 metrojn alta, longas 321 m, pezas pli ol 1250 tunoj).
Kieva stacidomo havas 11 kajojn kaj 12 pasaĝerajn trakojn.
Trajnoj
De la stacio ekzistas regula trafiko (long-distancaj itineroj) ĝis jenaj lokoj:
