Judit Gombár, laŭ hungarlingve kutima nomordo Gombár Judit estis hungara kostumisto, dekoraciisto, universitata instruisto. Ŝia edzo estis Iván Markó.
Judit Gombár [1] naskiĝis la 13-an de septembro 1937 en Budapeŝto, ŝi mortis la 28-an de majo 2016 en Győr.
Biografio
Judit Gombár frekventis gimnazion en sia naskiĝurbo, poste ŝi studis 2 jarojn en Teatra kaj Filma Altlernejo inter 1955–1957. Dum la studentaj jaroj ŝi ricevis rolojn en provincaj teatroj. Ŝi plulernis en Industriarta Altlernejo, ŝi akiris kostumistan diplomon en 1963. Inter 1958-1963 ŝi estis kostumisto en Nacia Teatro (Pécs), kie ŝi konatiĝis kun la baleto. Ŝi konstante havis taskojn ankaŭ en aliaj teatroj, en filmoj. Ekde 1972 ŝi translokiĝis al Bruselo, kie ŝi faris baletajn laborojn apud Maurice Béjart por Iván Markó. Ili faris turneojn al Montekarlo, Parizo, Tokio. Hejmenvenintaj en 1979 ili fondis baletan trupon en Győr, ŝi estis nomumita "eterna membro". En la lernojaroj 1991 kaj 1992 ŝi estis lernejestro de arta mezlernejo en Győr. En 1992 ŝi pensiuliĝis, tamen ŝi restis aktiva. Ŝi instruis en pluraj lokoj, ekzemple ŝi estis privata profesoro de Hungara Dancarta Altlernejo. Ŝi ricevis 7 premiojn inter 1984-2016.
Elektitaj teatraj kostumaj kaj dekoraciaj laboroj
Elektitaj teatraj kostumaj laboroj
Elektitaj laboroj en filmoj
- Kötelék (1968)
- Irgalom (1973)
- Peer Gynt (1988)
- Az a nap a mienk (2002)
Pupteatraj laboroj
- Sullivan: A Mikádó (2007)
- Goethe: Faust (2009)
- Fratoj Grimm: Csipkerózsika (2010)
Kelkaj aliaj laboroj
- Szerelmem, Josephin! (aŭtoro kaj reĝisoro, 1996)
- Innocent-Kállai-Szenes: Tavaszi keringő - Éva (aktoro)
Elektitaj disĉipoj
Fontoj
