En la 19-a jarcento vivis en Pécs hungaroj, germanoj, kroatoj kaj bosnoj. Komence nur migrantaj aktoroj ludis en gastejoj precipe por hungaroj kaj germanoj, sed iom komprenis la prezentadon ankaŭ aliaj nacimalplimultoj. La unua stabila teatro funkciis inter 1840-1890, kie aperis la pura literatura lingvo. La nuna teatrejo konstruiĝis en 1895 en proksimeco de la ĉefplaco. La debuta teatraĵo estis opero pri Bánk (banuso). Inter 1986-1991 la konstruaĵo plene renoviĝis kaj ricevis ankaŭ modernan teknikon.
Dum jarcento kremo de la hungaraj aktoroj rolis en tiu teatro. Nuntempe la teatro prezentas operojn, baletojn, dramojn kaj ankaŭ ĉiuspecajn teatraĵojn.
