Guess Who's Coming to Dinner (anglalingve: "Divenu tiun, kiu venas al vespermanĝo") estas 1967-jara amkomedia-drama filmo de la reĝisoro Stanley Kramer. Aktoris en la filmo Spencer Tracy, Sidney Poitier, Katharine Hepburn, Katharine Houghton, kaj aliaj. La filmo rakontas pri juna blankulino (Houghton) kaj nigrula doktoro (Poitier), kiuj enamiĝas kaj fianĉiĝas. Tiel, la blankulino devas prezenti sian novan fianĉon al siaj altklasaj gepatroj (Hepburn kaj Tracy), kaj la ĉefa temo estas la reago de familio kaj amikoj pri durasa edzigo.
La filmo estis la lasta filmapero de Spencer Tracy, kiu mortis kelkajn monatojn antaŭ la ekmontriĝo de la filmo.
Premioj
La filmo gajnis du Akademiajn Premiojn: Por plej bona aktorino (Katharine Hepburn) kaj plej bona originala scenaro. Ĝi ankaŭ gajnis Premiojn BAFTA por plej bona aktoro (Spencer Tracy) kaj plej bona aktorino (Katharine Hepburn).
