La urbo troviĝas ĉe la nordokcidenta rando de la Turingia Skista Montaro en tre linda ĉirkaŭaĵo inter la Rennsteig-migradopado kaj la valo de la rivero Schwarza. En 1399 estis la unua endokumenta mencio de vilaĝo situanta ĉe grava komerca vojo tra la Turingia Arbaro. Urbaj rajtoj venis en 1855. Ekspluato de kupro, arĝento kaj sulfuro sed ankaŭ komercado gravis komence. En la 17-a jarcento la vilaĝo estiĝis centro de komercado pri oleaĵoj. Menciindas ankaŭ la fabrikado de instrumentoj muzikaj, teksitaĵoj, porcelano, vitraĵoj, kanpafiloj, alunaĵoj, vitriolaĵoj. Multis ankaŭ muelejoj.
Hodiaŭ produktatas maŝinoj. Gravas ankaŭ la turismumado somera kaj vintra. Krome la urbo havas liberaeran naĝejon kaj pafejon sportan. Fervojlinio al Ilmenau tra Gehren kaj Langewiesen ne plu ekzistas.
