Eŭropo Ekologio estas la nomo donita al la listoj de la kuniĝo de la ekologiismaj movadoj en Francio lanĉita de La Verduloj por la eŭropaj balotoj de 2009. Tiu kuniĝado daŭris en 2010 por la regionaj balotoj ; la listoj de la ekologia kuniĝo sin prezentis tiam denove sub la standardo « Eŭropo Ekologio ».
La rezulto de la eŭropaj balotoj estis 16,28 % de la voĉoj kaj 12,18 % en la unua vico de la regionaj balotoj de 2010.
La 13-an de novembro2010, okaze de nacia kongreso en Liono, La Verduloj, kiuj modifis siajn statutojn por povi akcepti ilin, fandiĝis kun la anoj venintaj okaze de la eŭropaj kaj deputitaj kampanjoj de Eŭropo Ekologio, ili tiam adoptis sian novan nomon Eŭropo Ekologio La Verduloj.
Eŭropaj balotoj de 2009
Kunveno de la 25-a de novembro 2008 en Nantes
La programo
Eltiroj de la «Ekologiisma Kontrakto por Eŭropo, programo de Eŭropo Ekologio»
Por la ekologia transformo de ekonomio : iu Brukselo pri Dungado
Por kontraktoj pri sociala kaj ekologia konverto en ĉiu granda industria sektoro
Konverta salajro por salajruloj en minacataj industrioj
Kreo de 10 milionoj da verdaj postenoj en 5 jaroj
Por kamparana agrikulturo kaj pli sana nutrado :
Ekologia KAP (Komuna Agrikultura Politiko), kun varoj lokaj, sezonaj, kvalitaj kaj alireblaj al ĉiuj
Eŭropa Unio sen GMO (Genetike Modfitaj Organismoj), 30 % ekologiaj kaj 100 % daŭrivaj
Protekti kaj restaŭri la grandajn planedajn ekosistemojn
Por nova eŭropa revo
Starigo de eŭropa pakto pri ekologia kaj sociala kunlaboro (por anstataŭi la Pakto pri stabileco kaj kresko kreita de Maastricht). Tiu pakto trudos iujn socialajn kaj mediajn kriteriojn.
Kreo de ekonomia, sociala kaj financa sekura konsilio (por vera kunordigo en la eŭrozono)
Deprunto de 1000 miliardoj da eŭroj kaj transformado de Eŭropa Unio en Tobin-impostan areon
Ekigi novan konstituciantan agon por adopti mallongan, legeblan konstitucion adoptotan de ĉiuj eŭropanoj samtage por eliri el la nunaj traktatoj
En la eŭropaj balotoj de la 7-a de junio2009, Eŭropo Ekologio ricevis 16,28 % de la esprimitaj voĉoj je la nacia nivelo[1], tio estas la plej alta rezulto iam atingita de ekologiisma partio en eŭropa baloto en Francio. Tiu rezulto donis 14 seĝojn en la Eŭropa Parlamento kun la selvantaj elektitoj :
Forta je siaj rezultoj en la eŭropaj balotoj, la kuniĝo de la ekologiismaj movadoj daŭris post la eŭropaj balotoj de 2009 kaj prezentis listojn en ĉiuj regionoj por la regionaj balotoj de 2010.
Sen atingi la 16 % akiritajn okaze de la eŭropaj balotoj de 2009, la listoj « Eŭropo Ekologio » sufiĉe bone sukcesis kaj konfirmis la rangon de la ekologiistoj kiel tria nacia politika forto, kun entute 12,2 % de la voĉoj.
En la dua vico, la listoj fandiĝis kun tiuj de la Socialisma Partio (PS) laŭ proporcio de la forto en la unua vico esceptede Bretonio kie neniu interkonsento eblis kaj de Langvedoko.
La bona rezulto (17,4 %) de la bretona listo fronte al PS kaj UMP konfirmis la sukceson de la unua vico. La Verduloj, kiuj saltas de 159 al 263 regionaj elektitoj estas la partio, kiu plej progresas laŭ la nimbro de sieĝoj[2].
En Langvedoko-Rusiljono neniu listo el Maldekstra Fronto (FG), Eŭropo Ekologio (EE) aŭ PS ne rajtis resti por la dua vico kaj interkonsento kun la listo de Georges Frêche estanta nekonsiderenda, la listo Eŭropo Ekologio ne havas elektiton.
La plenuma estraro
La transira politika estraro ĝis la kongreso estas tiu de la plenuma estraro de Eŭropo Ekologio[3].
Leila Aïchi, Françoise Alamartine, Suzanne Auger, Denis Baupin, Alexis Braud, Sandrine Bélier, Jean-Paul Besset, Peggy Briset, Brigitte Brozio, Jean-Marc Brûlé, Daniel Cohn-Bendit, Cécile Duflot, Pascal Durand, Hélène Gassin, André Gattolin, Yannick Jadot, Mickaël Marie, Philippe Meirieu, Jean-Vincent Placé, Pascale Rossler, Jean-Louis Roumégas, Lucile Schmid, François Simon, Djamila Sonzogni, Anne Souyris.
