Crésuz estas komunumo en la distrikto Grejerco en Kantono Friburgo, Svislando. Ĝi havis 299 loĝantojn je la 31-a de decembro 2010.
Geografio
Crésuz situas en la Friburgaj Antaŭalpoj ĉe la suda bordo de la Lago de Montsalvens, proksimume 6,5 kilometrojn oriente de la urbo Bulle kaj 20 kilometrojn sude de la kantonĉefurbo Friburgo. La komunumo konsistas el la vilaĝo Crésuz kaj la setlejo Petits Monts.[1]
La teritorio de la komunumo etendiĝas sur areo de 1,78 km², de kiuj 35,0 % estas kovritaj de arbaro, 33,9% servas por agrikulturo kaj 23,3% por setlado.
[2]
Najbaraj komunumoj
La komunumo Crésuz limas en nordo al Cerniat, en oriento al Charmey, en sudo aliflanke de la Lago de Montsalvens al Broc, kaj en okcidento al Châtel ĉe Montsalvens.
Trafiko
Tra Crésuz pasas la kantona ĉefvojo n-ro 180 de Friburgo al Jaun. La plej proksima alveturejo al la svisa aŭtovojo A12 situas proksimume 7 kilometrojn oriente de la komunumo norde de Bulle. Pere de du buslinioj de la entrepreno Transporto Publika Friburga kaj poŝtaŭtolinio al Bulle, Jaun kaj Friburgo al Cerniat la komunumo estas konektita al la publika transportreto.
Historio
La unua dokumenta mencio de Crésuz datiĝas el la jaro 1301 kiel Cresu. Dum mezepoko Crésuz apartenis al la Senjorujo Corbières. Post ties divido en la jaro 1249 Crésuz apartenis al la Kunsenjorujo Charmey. En la jaro 1319 la loĝantaro de Crésuz estis liberigita de la vokta imposto. En februaro 1475 Crésuz konkludis civitan kontrakton kun la urbo Friburgo. De 1552 ĝis la Helveta Revolucio de 1798 ĝi apartenis al la friburga Voktejo Corbières, tiam ĝi estis atribuita al la Distrikto Grejerco.[3]
Notoj kaj referencoj
Eksteraj ligiloj
_018.JPG)