La teritorio de la komunumo etendiĝas sur areo de 33,31 km², de kiuj 39,8% estas kovritaj de arbaro, 48,7% servas por agrikulturo kaj 2,8% por setlado.
[2]
Tra la komunumo pasas la kantona ĉefvojo n-ro 190 de Bulle al Château d'Oex. La plej proksima alveturejo al la svisa aŭtovojo A12 situas proksimume 12 kilometrojn sude de la komunumo apud Bulle. Per tri stacidomoj ĉe la trajnlinio de Bulle al Montbovon kaj la buslinio de la entrepreno Transporto Publika Friburgo de Bulle al Grandvillard la komunumo estas konektita al la publika transportreto.
Historio
La komunumo Bas-Intyamon estis fondita la 1-an de januaro 2004 per kunigo de la ĝis tiam aŭtonomaj komunumoj Enney, Estavannens kaj Villars-sous-Mont. La unua dokumenta mencio de Enney datiĝas el la jaro 1224 kiel Eiz.[3] Estavannes estis menciita la unua fojon en la jaro 1231 kiel Extavanens[4], kaj Villars-sous-Mont en la jaro 1254 kiel Villard-Symon[5]. La tri vilaĝoj dum mezepoko apartenis al la Grafolando Grejerco, kiu post bankrotiĝo de la grafoj en la jaro 1555 estis akirita de la urbo Friburgo kaj fariĝis ties voktejo kaj post la Helveta Revolucio de 1798 distrikto.
_018.JPG)