Clouseau estas belgapopmuzika grupo, kiu ekde sia fondiĝo meze de la okdekaj jaroj de la 20-a jarcento havis diversajn furorkantojn en Belgio kaj Nederlando. La plej konataj kantoj estas Daar gaat ze ("Tie ŝi iras", furorkanto je la loko 2 en Nederlando en 1990) kaj Passie ("pasio", furorkanto je la loko 2 en Nederlando en 1995).
Komence Clouseau precipe faris lokajn koncertojn. Tiuj estis tre sukcesplenaj. La kantistoKoen Wauters jam rapide forlasis la grupon por kanti por alia loka bando, sed en 1987 li tamen konvinkiĝis reveni.
En 1989Clouseau partoprenis en la belga antaŭrondo de la Eŭrovido-Kantokonkurso kun la kanto Anne. Clouseau finis je la dua loko, sed Anne furoregis en Belgio kaj ankaŭ iom en Nederlando. Clouseau iĝis tre populara en Belgio. En 1989 la bando eldonis sian unuan albumon, Hoezo? ("Kiel?").
En 1990 ilia disko Daar gaat ze iĝis tre sukcesa en Belgio kaj Nederlando. Sekvis pluraj sukcesplenaj diskoj. En septembro de tiu jaro forlasis la grupon Tjen Berghmans.
En oktobro1990 aperis ilia dua albumo Ofzo. En marto1991Karel Theys forlasis la grupon, post kio Clouseau nur nombris tri membroj. En tiu jaro Clouseau finis je la 16a loko en la Eŭrovido-Kantokonkurso 1991 per la kanto Geef het op ("Rezignu"), sed tiu evento ja signifis la Eŭropan trarompon. La angla albumo Close Encounters precipe en Germanio estis sukcesa. En tiu periodo ankaŭ eldoniĝis viva albumo.
En majo de la jaro 1992 denove aperis nederlandlingva albumo Doorgaan. Samtempe Clouseau komencis eŭropan turneon kiel antaŭprogramo de Roxette. Ilia dua anglalingva albumo In every small town estis rekordita en decembro1992 en Los-Anĝeleso.
La 22-an de decembro 1998 la kantisto Koen Wauters edziĝis kun la iama prezentistino de aktualaĵoj en televidoCarolyn Lilipaly (jam en la jaro 2002 ili disiĝis denove). En 1999 aperis la albumo In Stereo. Clouseau ankaŭ komencis novan turneon. Koncerta albumo de Clouseau aperis en la jaro 2000. Tiam Clouseau ankaŭ ekis novan turenon tra Belgio kaj Nederlando.
En la aŭtuno de 2001 aperis nova albumo, En Dans. Tiu ĉi albumo sonis malsimile kiel ĉiuj antaŭaj diskoj de 'Clouseau. Laŭ la kantisto Koen temas pri pli moderna kaj aventura disko. En Dans iĝis tre sukcesa. La KD dum 11 semajnoj estis je la unua loko en la belga 'Ultratop 50' de albumoj.
En decembro 2001Clouseau dufoje ludis en la antverpenaSportpaleis, post kiam la turneo En Dans komenciĝis (2002). Ili entute faris 74 koncertojn.
Decembro intertempe estis la regula 'Clouseau Sportpaleis monato', ĉar ankaŭ en 2002 ili tie koncertis. Ĉi-foje la salono naŭfoje pleniĝis. Post tiu ĉi sukcesa evento eldoniĝis DVD-o Clouseau live in het Sportpaleis.
En 2003 por la dua fojo okazis turneo kun la nomo Zingt. Ĉifoje Clouseau precipe koncertis en teatrejoj kaj grandparte de la repertuaro konsistis el kovraĵoj.
En decembro 2003 Clouseau denove koncertis en la Sportpaleis en Antverpeno. Kaj denove ili superis la antaŭan jaron: 14-foje elvendita (240.000 homoj).
Je la 16a de aprilo 2004 anonciĝis ke la amikino de Koen Wauters, Valerie De Booser (24), gravedis. Je la 17a de julio ili geedziĝis (la geedziĝo estis jam planita antaŭ la gravediĝo). La 25-an de oktobro 2004 naskiĝis Zita.
Je la 1a de oktobro 2004 aperis nova albumo, Vanbinnen. Jam dum la antaŭvendoj tiu ĉi albumo en Belgio estis tre sukcesa. En decembro-januaro estis 14 koncertoj en la Sportpaleis. En 2005 denove okazos turneo Vanbinnen tra tuta Flandrio.
