Johannes Andreas JOLLES (Den Helder, 7a de aŭgusto 1874 - Leipzig, 22a de februaro 1946), plej konata per la franca versio de sia nomo André Jolles, estis nederlanda lingvisto kaj arthistoriisto.
Vivo
Jolles estis proksima amiko de la nederlanda historiisto Johan Huizinga ekde 1896 ĝis 1933, kiam Jolles aliĝis al la NSDAP en Germanio. En 1925, Jolles interŝanĝis malferman korespondadon kun Huizinga pri la limoj kaj proksimaĵoj inter historio kaj literaturo, publikigita en la ĵurnalo De Gids. En la kampo de lingvistiko, Jolles estas konsiderata unu el la plej gravaj reprezentantoj de morfologio en la frua 20-a jarcento, havante ne nur Huizinga kiel sia interparolanto en tiu ĉi afero, sed ankaŭ Aby Warburg . Lia plej konata libro, Einfache Formen (Simplaj Formoj), apartenas al la areo de literatura ĝenroteorio, traktante la antaŭ-literaturajn intencojn kiuj formas literaturon mem.
Verkoj
- 1906 - Vitruvs Aesthetik
- 1908 - Die ägyptisch-mykenischen Prunkgefässe
- 1919 - Von Schiller zur Gemeinschaftsbühne
- 1922 - Die Freimaurerei. Wesen und Brauchtum. Erstes Buch: Die Entstehung der Freimaurerei
- 1923 - Bezieling en Vorm. Essays over letterkunde
- 1930 -Einfache Formen. Legende, Sage, Mythe, Rätsel, Spruch, Kasus, Memorabile, Märchen, Witz
