András Bágya depost Traktato de Trianon jam apartenis al la hungara minoritato en Rumanio. Li studis en muzikakademio de Cluj inter 1927 - 1932. Liaj plej gravaj instruistoj estis Martian Negrea kaj Alexandru Schelletti. Post la diplomo li instruis 12 jarojn en kalvinana (hungara) kolegio de Sfântu Gheorghe. Dum la lastaj instrujaroj la urbo denove apartenis al Hungario pro la Dua Viena Arbitracio. Krom la instruado li komponadis korusajn verkojn por la kolegio. En fino de la 2-a mondmilito li soldatiĝis, poste li estis militkaptito. Post la liberiĝo li pianludis en tiam elita ŝlagrorkestro en Budapeŝto, poste en 1947 li ricevis postenon en Hungara Radio. Li pasis 4 jardekojn en la Radio. En la 1960-aj jaroj li estis determina ŝlagrokomponisto de la lando. Li ricevis 2 ŝtatajn premiojn en 1978 kaj 1990, krome li havis 2 festivalajn premiojn. Li edziĝis dufoje.
_Fortepan_147124.jpg)