Kika - Un corpo in prestito
«
At m à dmandâ parchè la pulisìa la n à minga sunâ a 'l campanèl. I aṅ sunâ, ma a n psìvan briśa vèrar parchè la Juana l'éra in cuśìna c'n un bavarōl adòs e l'éra ligàda a na scrana, mè invéci i ér'n adrē a viulentàr-um.»
In dal film Almodovar al strica 'l òć a dimóndi film śal cuma La fnèstra in sal curtìl, ’L òć ch'al masa, Ròs fónd, Tènebri e Blow-Up. Al stilìsta francéś Jean-Paul Gaultier 'l à disgnâ i custùm dla Victoria Abril. SuntNicholas (Peter Coyote), scritōr americàṅ in criśi, al tórna a Madrid in dua 'l à lasâ al fiàstar Ramón (Àlex Casanovas) dòp che sò mujér tri an prima la s éra tòlta la vita. Chi lò al viṿ cun la trucadōra Kika (Verónica Forqué), na dóna più granda 'd lò ch'la s fà jutàr in cà da na camaréra lèśbica, la Juana (Rossy de Palma). Par mét'r in bisàca quèl, Nicholas al taca a lauràr cuma senegiadōr ad stòri ad serial killer par l’Andrea (Victoria Abril), dita la silfàda, ch'la pòrta avànti un prugràma televiśìṿ dal gènar "rusc". Un dè Pablo (Santiago Lajusticia) al fradèl stupradōr dla Juana, cun un pasâ 'd atōr pòran e péna gnû fóra ad parśòṅ, al và in dl'apartamènt dla Kika e 'l la viulénta. A riva lè anc l’Andrea par tōr śò incòsa p'r al sò prugràma ciamâ "Al pèś dla stmana". Culegamènt estéran |
|||||||||||||||||
