Il cubo 2 - Hypercube
«
Dal règhli a n gh 'n è minga.»
(Tagline dal film)
'L è 'l séguit dal film Cube - Il cubo dal 1997, pelìcula ch'l'à abû anc un prequel, Cube Zero dal 2004. SuntÒt parsòni ch'i n s cgnósan briśa i s déśdan in un pòst misterióś tirâ sù cun dal cambri fati a cûb e cun di us da tut al bandi ch'i pòrt'n in di cûb lè darènt. A gh vōl pôc a cumpréndar ch'i cûb i s mōvan da par lōr in dal spasi e in dal tèmp e dal vòlti i gh'aṅ dèntar dal trapli murtàli. Tut i persunàǵ i èṅ ligâ p'r al fat 'd èsar tut insaplâ cun n'indùstria ch'la custruìs dgl'armi, la „Izon“. Simon Grady (Geraint Wyn Davies) 'l è 'n investigadōr privâ ch'al gh'iva da catàr na dipendènta dla dita ch'l'éra sparìda, la Rebecca. La Sasha (Grace Lynn Kung) l'è na ragàsa òrba nada in pruvéta ch'l'iva invintâ i mecanìśum di cûb a quàtar dimensiòṅ. Max Reisler (Matthew Ferguson) 'l è 'n prugramadōr ad śōg vìddeo ch'l iva abû l'idéa 'd un videogame in du i cuncurènt i sa spustàvan lung al cambri cun dal situasiòṅ tempuràli difarènti. Jerry Whitehall (Neil Crone) 'l iva tirâ sù i mur c'n i sensōr. La sgnōra Paley (Barbara Gordon) l'éra na dutōra in matemàtica ch'l'iva culaburâ cun la „Izon“ méntar la Julia (Lindsey Connell) l'è la sò avucàta. Sénsa savēr parchè i èṅ finî tut lè dèntar, adès i gh'aṅ da cumbàtar par saltàr-ag fóra. Culegamènt estéran |
|||||||||||||||||
