Actor a seren deledu o'r Unol Daleithiau oedd Frederick McFeely "Fred" Rogers (20 Mawrth1928 – 27 Chwefror2003).[1] Roedd yn enwog am greu rhaglenni, eu cyflwyno ac am gyfansoddi cerddoriaeth agoriadol ar gyfer y gyfres plant bach Mister Rogers' Neighborhood (1968–2001).[2]
Cafodd ei hyfforddi i fod yn weinidog yr Efengyl ond nid oedd yn hapus gyda chyfeiriad teledu yn yr Unol Daleithiau, yn enwedig yr arlwy ar gyfer plant a phobl ifanc. Ar deledu yn ardal Pittsburgh y cychwynodd ond erbyn 1968 roedd ganddo ei sioe deledu ei hun a darlledwyd hon ar gyfer y wlad gyfan gan American Public Television. Dros y degawdau nesaf daeth Rogers yn eicon gan ei gynulleidfa.[3] Bu hefyd yn flaenllaw yn hybu achosion da yn ymwneud ag addysg pobl ifanc. Ymladdodd yr hawl i gynnwys recordiadau ar drwydded "defnydd teg" er mwyn eu darlledu drachefn a thrachefn ("time shifting") a sefydlodd gefnogaeth y llywodraeth i ddarlledu ar gyfer plant a phobl ifanc.[4]
