Яфім Яўстаф’евіч Сямёнаў
Дата нараджэння	26 студзеня 1932(1932-01-26) (92 гады)
Месца нараджэння	Малая Лая[d], Горнаўральская гарадская акруга[d], Свярдлоўская вобласць, РСФСР, СССР[1]
Грамадзянства	СССР  Беларусь
Род дзейнасці	педагог, навуковец
Навуковая сфера	матэматыка
Месца працы	Расійскі дзяржаўны прафесійна-педагагічны ўніверсітэт[d] Віцебскі дзяржаўны педагагічны інстытут
Навуковая ступень	кандыдат педагагічных навук (1976)
Навуковае званне	прафесар[d] (1991)
Альма-матар	Расійскі дзяржаўны прафесійна-педагагічны ўніверсітэт[d] (1958)
Узнагароды	Грамата Міністэрства адукацыі Рэспублікі Беларусь (2005) Ганаровая грамата Міністэрства адукацыі Рэспублікі Беларусь (2012) Ганаровая грамата МінВНУ БССР[d] (1979)

Яфім Яўстаф’евіч Сямёнаў^[2] (руск.: Ефим Евстафьевич Семёнов; нар. 26 студзеня 1932) — вучоны, матэматык і педагог, кандыдат педагагічных навук (1976), прафесар (1991).

Нарадзіўся ў сяле Малая Лая (Прыгарадны раён, Свярдлоўская вобласць Расіі). У 1958 годзе скончыў Ніжнетагільскі педагагічны інстытут (сучасны Расійскі дзяржаўны прафесійна-педагагічны ўніверсітэт). У 1958—1964 гадах працаваў настаўнікам у пасёлку Старацель і ў Ніжнім Тагіле. У 1958—1980 гадах асістэнт, старшы выкладчык, дацэнт у Ніжнетагільскім педагагічным інстытуце. У 1959—1962 гадах працаваў дырэктарам базавай школы № 8 ў Ніжнім Тагіле. У 1976 годзе скончыў аспірантуру пры Навукова-даследчым інстытуце зместу і метадаў навучання Акадэміі педагагічных навук СССР па спецыяльнасці «Методыка выкладання матэматыкі». З 1980 года Яфім Яўстаф’евіч Сямёнаў у Віцебскім педагагічным інстытуце імя С. М. Кірава (сучасны Віцебскі дзяржаўны ўніверсітэт імя П. М. Машэрава), у 1980—1990 гадах на пасадзе дацэнта кафедры алгебры і методыкі выкладання матэматыкі факультэта матэматыкі і інфармацыйных тэхналогій, з 1990 года — прафесара. Вучонае званне прафесара прысвоена ў 1991 годзе.

Навуковая дзейнасць Я. Я. Сямёнава звязаная з пытаннямі методыкі і метадалогіі выкладання матэматыкі, дыялагічнага пазнання матэматыкі ў сярэдняй школе. Аўтар навучальных дапаможнікаў для агульнаадукацыйных школ.

Кіраваў падрыхтоўкай кандыдата педагагічных навук, 12 магістраў і 18 пераможцаў Рэспубліканскага конкурсу навуковых прац студэнтаў ВНУ Беларусі.

Сярод апублікаванага:

• Понятие об аксиоматическом методе в геометрии и неевклидовых геометриях: пособие для студентов к метод. семинару по теме «Факультативные занятия в средней школе». — Свердловск, 1973. — 73 с.
• Учимся рассуждать и доказывать : книга для учащихся 6-10 классов средней школы / И. Л. Никольская, Е. Е. Семёнов. — Москва : Просвещение, 1989. — 192 с.
• Изучаем геометрию: книга для учащихся 7—9-х классов средней школы. — Ташкент: Укитувчи, 1990. — 279 с.
• За страницами учебника геометрии: пособие для учащихся 7-9 классов общеобразовательных учреждений. — 2-е изд. перераб. — Москва : Просвещение, 1999. — 286 с.
• Принцип систематизации в преподавании математики // Математика в школе, № 4, 2004. — С. 28—32.
• Методология диалогического познания математики // Матэматыка: праблемы выкладання, № 4, 2011. — С. 3—12.

• Ганаровая грамата Міністэрства асветы РСФСР і Рэспубліканскага камітэта прафсаюза работнікаў асветы вышэйшай школы і навуковых устаноў РСФСР (1979).
• Дыплом 2-й ступені Усесаюзнага конкурсу на лепшы твор навукова-папулярнай літаратуры (Усесаюзнае таварыства «Веды», Дзяржкамдрук СССР, 1990).
• Грамата Міністэрства адукацыі Рэспублікі Беларусь (2005).
• Ганаровая грамата Віцебскага дзяржаўнага ўніверсітэта імя П. М. Машэрава (2008).
• Ганаровая грамата Міністэрства адукацыі Рэспублікі Беларусь (2012).
• Нагрудны знак «Выдатнік адукацыі» (2015).
• Ганаровая грамата Урадавай камісіі па справах суайчыннікаў за мяжой (Расія, 2016).

• Сямёнаў Яфім Яўстаф’евіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 347. — 10 000 экз. — ISBN 985-11-0035-8. — ISBN 985-11-0251-2 (т. 15).

• Семенов Ефим Евстафьевич // Сайт ВДУ імя П. М. Машэрава (руск.)
• Вучоныя Беларусі. Сямёнаў, Яфім Яўстаф’евіч (кандыдат педагагічных навук; матэматыка; нар. 1932)
• Список соотечественников, награждённых в 2016 году Почетной грамотой правительственной комиссии по делам соотечественников за рубежом // Всемирная Россия(недаступная спасылка) (руск.)