Юрый Дзмітрыевіч Лібераў (25 лютага 1921, в. Хмялевіцы, Ніжагародская губерня — 2008) — рускі мастак, пейзажыст і патрэтыст. Выдатнік народнай асветы РСФСР. Лаўрэат прэміі Ніжняга Ноўгарада (2002).
Біяграфія
Нарадзіўся 25 лютага 1921 года ў в. Хмялевіцы Ніжагародскай губерні. Вучыўся ў Горкаўскім мастацкім вучылішчы на працягу 1939—1951 гадоў. Член Саюза мастакоў Расіі з 1967 года. Жыў і працаваў у г. Горкі. Выкладаў у школе № 3 Заволжа (1955—1970)[1].
Асноўная спецыялізацыя: пейзажы і партрэты.
З 1951 года — пастаянны ўдзельнік абласных выстаў. Экспанент занальных («Вялікая Волга», 1967, 1985, 1991, 2003), рэспубліканскай (Тула, 1977) мастацкіх выстаў. Персанальныя выставы: Горкі, Ніжні Ноўгарад: 1971, 1981, 1982, 1987, 1996, 2001, 2002; Заволжа, 1982).
Асноўныя працы: «Белая рэчка. Рыбакі» (1962), «Плошча Леніна» (1975), «Горкаўская ГЭС 2 лістапада 1955 года ў дзень пуску першага агрэгата» (1975), «Аблокі над Волгай» (1994), «Вясна на Вялікай Пакроўцы» (1994), «Парасоны каля банка» (1994), «Брамка» (1994).
Памёр у 2008 годзе[2].
Зноскі
Спасылкі
