XIV чэмпіянат свету па футболе (8 чэрвеня — 8 ліпеня1990, Італія). Чэмпіён — зборная каманда ФРГ. У чэмпіянаце прымалі ўдзел 24 каманды, якія спачатку сустракаліся ў групавых матчах, каб вызначыць 16 лепшых, яны адыгралі адзін супраць аднаго ў стыкавых матчах да фіналу. Усяго адбылося 52 сустрэчы.
Турнір
Фармат спаборніцтва застаўся той жа, што і ў 1986 годзе: 24 каманды кваліфікуюцца, падзеленыя на 6 груп, па 4 каманды ў кожнай. У стадыю плэй-оф выходзяць 16 каманд: 6 пераможцаў груп, 6 каманд, якія занялі другое месца, і 4 лепшыя каманды, якія занялі трэцяе месца. Тры краіны ўпершыню выйшлі ў фінальную частку: Коста-Рыка, Ірландыя і Аб’яднаныя Арабскія Эміраты.
