Уладзімір Мікалаевіч Гапонаў (10 лютага 1939, Данецк) — беларускі архітэктар.

Скончыў Беларускі політэхнічны інстытут у 1962 годзе. Працаваў у праектных арганізацыях у Петрапаўлаўску-Камчацкім, дзе запраектаваў клуб з залай на 400 месцаў, заводакіраўніцтва, помнік экіпажу падводнай лодкі Л-16. З 1972 года — кіраўнік групы архітэктараў, начальнік майстэрні ў Мінскпраекце.

Член Саюза архітэктараў СССР з 1966 года. Член КПСС з 1971 года.

Пражывае ў г. Мінску.

Асноўныя працы (у аўтарскім калектыве): ПДП зон адпачынку на заходнім беразе Заслаўскага вадасховішча (1973), «Вяснянка» ў раёне Астрашыцкага Гарадка (1975).

• Гапонов Владимир Николаевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)