Указ «Абарона нацыі ад уезду замежных тэрарыстаў у Злучаныя Штаты» (англ. Executive Order «Protecting the Nation from Foreign Terrorist Entry into the United States») — указ прэзідэнта ЗША Дональда Трампа аб абмежаванні ўезду ў ЗША для пэўных катэгорый асоб.

27 студзеня 2017 года прэзідэнт ЗША Дональд Трамп падчас цырымоніі ў міністэрстве абароны ЗША падпісаў указ, які прадугледжвае жорсткія меры ў дачыненні да мігрантаў^[1][2].

28 студзеня 2017 года суд у Нью-Ёрку прыняў пастанову, якое дае магчымасць часова знаходзіцца на тэрыторыі ЗША асобам, якія прыляцелі ў краіну з адкрытымі візамі і якія падпадаюць пад дзеянне міграцыйнага ўказа прэзідэнта Дональда Трампа. Замежным грамадзянам у рамках гэтай экстранай пастановы суда прадастаўляецца магчымасць яшчэ некаторы час знаходзіцца ў краіне^[3][4].

Указ складаецца з 12 раздзелаў з падраздзеламі.

Першы раздзел мае назву «Мэта». Гэты раздзел звязвае прыняцце ўказа з тэрарыстычнай пагрозай. Прыкладам такой пагрозы прыводзіцца тэракт 11 верасня ў ЗША.

Указ забараняе тэрмінам на 90 дзён уезд у ЗША для грамадзян шэрагу мусульманскіх краін, незалежна ад таго, ці імкнуцца яны атрымаць статус бежанца ці не. Пад забарону трапілі грамадзяне Ірана, Сірыі, Лівіі, Самалі, Емена і Ірака^[5]. Выключэнне складуць дыпламаты і прадстаўнікі міжнародных арганізацый^[6]. Ва ўказе таксама адзначаецца, што просьбы аб прадастаўленні статусу бежанцаў у ЗША, якія былі пададзеныя да яго падпісання, могуць быць ухвалены пры ўмове праходжання новых працэдур.

Таксама ў прынятай пастанове адзначана, што ЗША спыняюць праграму прыёму бежанцаў на 120 дзён для высвятлення эфектыўнасці дзеючых правілаў^[7][8].

Таксама ўказам плануецца паскорыць стварэнне біяметрычнай сістэмы для кантролю за ўязджаючымі ў краіну^[9].

• Фондавыя індэксы Азіяцка-Ціхаакіянскага рэгіёну «сышлі ў мінус» пасля забароны на ўезд бежанцаў у ЗША^[10][11].
• Авіякампаніі Emirates Airline і Etihad Airways заявілі аб намеры адхіліць персанал, які трапляе пад дзеянне ўказу, ад палётаў у ЗША^[12].
• Інтэрнэт-гігант Google заклікаў супрацоўнікаў, якія знаходзяцца па-за межамі ЗША, хутчэй вярнуцца ў краіну з-за ўказу. У кампаніі лічаць, што яе работнікі-мігранты з сямі мусульманскіх краін могуць не патрапіць назад на працу і асцерагаюцца, што ўказ можа стварыць бар'еры для прыцягнення таленавітых спецыялістаў з іншых краін у ЗША^[13][14].

• 27 студзеня 2017 года Дэмакратычная партыя ЗША назвала ўказ Трамп аб бежанцах «здрадай амерыканскіх каштоўнасцяў»^[15][16].

• Парламент Ірака прагаласаваў за ўвядзенне аналагічных мер у адказ на ўказ Дональда Трампа^[17].
• 29 студзеня 2017 года на вуліцах больш за 15 амерыканскіх гарадоў адбыліся пратэсты супраць новых іміграцыйных абмежаванняў, уведзеных прэзідэнтам Трампам^[18]. Таксама, у гэты дзень, у міжнародным аэрапорце імя Джона Кенедзі ў Нью-Ёрку некалькі дзясяткаў актывістаў арганізавалі пратэст у тэрмінале аэрапорта, заклікаючы ўпусціць вымушаных перасяленцаў^[19][20].
• Установы ЗША змянілі правілы выдачы паўторных віз пасля ўказа^[21].

Крытыкі ўказвалі на тое, што хоць у апраўданне ўказа гучалі заявы, што ён накіраваны супраць тэрарыстаў, на самай справе з краін, якія былі ўключаны ў спіс не было ні аднаго тэрарыста, які здзейсніў б тэракт у ЗША за апошнія дзесяцігоддзі, пры гэтым краіны, з якіх адбыліся найбольшая колькасць антыамерыканскіх тэрарыстаў – Саудаўская Аравія, Егіпет, Катар, ААЭ – выключаны з забароненага спісу, таму што з'яўляюцца блізкімі альянтамі ЗША^[22].

• Федэральны канцлер Нямеччыны Ангела Меркель падвергла крытыцы ўказ прэзідэнта ЗША Дональда Трампа аб забароне на ўезд у краіну грамадзянам сямі мусульманскіх краін, назваўшы яго «памылковым»^[23].
• Пасля таго, як прэзідэнт ЗША Дональд Трамп забараніў імігрантам з мусульманскіх краін перасякаць амерыканскую мяжу, прэм'ер-міністр Канады Джасцін Трюдо запрасіў бежанцаў у сваю краіну^[24][25][26].
• Па стане на 30 студзеня, усяго за суткі больш мільёна брытанцаў падпісаліся пад петыцыяй, у якой утрымліваецца заклік адмяніць (дакладней, пазбавіць яго статусу дзяржаўнага візіту і пазбегнуць сустрэчы прэзідэнта ЗША, «вядомага сваёй мізагініяй і вульгарнасцю», з каралевай Лізаветай II) запланаваны візіт у Вялікабрытанію Дональда Трампа ў сувязі з падпісаннем антыміграцыйнага ўказа^[27]. Заклікаў суграмадзян выступіць супраць дзяржаўнага візіту ў іх краіну прэзідэнта ЗША Дональда Трампа, пакуль той не адменіць забарону, і лідар апазіцыі Джэрэмі Корбіна.
• 28 студзеня 2017 года Упраўленне ААН па справах бежанцаў і Міжнародная арганізацыя па міграцыі заклікалі адміністрацыю прэзыдэнта Дональда Трампа працягваць прадастаўляць прытулак уцекачам^[28][29].