Тадэвуш Валянцінавіч Варановіч
Дата нараджэння	1 студзеня 1956(1956-01-01) (69 гадоў)
Месца нараджэння	Мікольцы, Мядзельскі сельсавет, Мядзельскі раён, Маладзечанская вобласць, БССР, СССР
Грамадзянства	Беларусь
Род дзейнасці	суддзя
Навуковая ступень	кандыдат юрыдычных навук
Альма-матар	юрыдычны факультэт БДУ
Узнагароды

Тадэвуш Валянцінавіч Варановіч (нар. 1 студзеня 1956, в. Мікольцы Мядзельскага раёна Мінскай вобласці) — беларускі суддзя. Заслужаны юрыст Рэспублікі Беларусь. Кандыдат юрыдычных навук.

У 1981 годзе закончыў юрыдычны факультэт Беларускага дзяржаўнага ўніверсітэта. У 2008 годзе абараніў кандыдацкую дысертацыю.

З 1982 года працаваў суддзёй суда Лепельскага раёна і горада Лепеля, суда горада Оршы, Віцебскага абласнога суда, з 1987 года — старшынёй суда Акцябрскага раёна горада Віцебска, суддзёй Віцебскага абласнога суда. У 1995 годзе назначаны старшынёй Віцебскага абласнога суда.

З чэрвеня 2009 года — суддзя Канстытуцыйнага Суда Рэспублікі Беларусь. З 2017 года з’яўляецца намеснікам старшыні Рэспубліканскага савета суддзяў.

Унесены ў санкцыйныя спісы краін Балтыі^[1][2].

Аўтар больш як 40 навуковых публікацый у галіне канстытуцыйнага і грамадзянскага права, грамадзянскага працэсу і судаўладкавання.

Мае вышэйшы кваліфікацыйны клас. Узнагароджаны ордэнам Пашаны (2002)^[3].