Міхаіл Сяргеевіч Орда
дэпутат Палаты прадстаўнікоў Нацыянальнага сходу Рэспублікі Беларусь[d] 21 лістапада 2000 — 2004
дэпутат Палаты прадстаўнікоў Нацыянальнага сходу Рэспублікі Беларусь[d] 2004 — 2008
дэпутат Палаты прадстаўнікоў Нацыянальнага сходу Рэспублікі Беларусь[d] 2008 — 2012
старшыня Федэрацыі прафсаюзаў Беларусі[d] 2014 — 2024
член Савета Рэспублікі Нацыянальнага сходу Рэспублікі Беларусь 6-га склікання 2016 — 2019
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	28 верасня 1966(1966-09-28) (58 гадоў) Дзятлава, Дзятлаўскі раён, Гродзенская вобласць, БССР, СССР
Член у	Беларуская партыя «Белая Русь»
Адукацыя	Віцебская дзяржаўная акадэмія ветэрынарнай медыцыны Расійская акадэмія дзяржаўнай службы
Месца працы	БРСМ
Узнагароды	Ганаровая грамата Адміністрацыі Прэзідэнта Рэспублікі Беларусь[d] ганаровая грамата Нацыянальнага сходу Рэспублікі Беларусь
Медыяфайлы на Вікісховішчы

Міхаіл Сяргеевіч Орда (нар. 28 верасня 1966, Дзятлава, Гродзенская вобласць, Беларуская ССР) — беларускі дзяржаўны функцыянер.

Працоўную дзейнасць пачаў у 1983 г. слесарам у калгасе «Расія» Дзятлаўскага раёна. З 1984 да 1986 гг. служыў у Савецкай арміі. У 1991 г. скончыў Віцебскі ветэрынарны інстытут па спецыяльнасці «Ветэрынарны лекар».

Служыў у радах Савецкай арміі^[1].

Працоўную дзейнасць пачаў у калгасе «Расія» Дзятлаўскага раёна. Быў дырэктарам абласной службы добраахвотнай працы моладзі (штаб студэнцкіх атрадаў)^[1].

З 1991 да 1992 гг. быў намеснікам камандзіра абласнога штаба студэнцкіх атрадаў Віцебскай вобласці. Працаваў дырэктарам абласной службы добраахвотнай працы моладзі (Віцебск, 1992—1994 гг.), прэзідэнтам Рэспубліканскай асацыяцыі міжнародных моладзевых абменаў і турызму (1994—1997 гг.). З 1997 да 2001 гг. — другі сакратар Цэнтральнага камітэта грамадскага аб’яднання «Беларускі патрыятычны саюз моладзі».

У 1999 г. скончыў Расійскую акадэмію дзяржаўнай службы пры Прэзідэнце Расійскай Федэрацыі па спецыяльнасці «Дзяржаўнае і муніцыпальнае кіраванне».

27 сакавіка 2001 г. вызвалены ад пасады другога сакратара ЦК Беларускага патрыятычнага саюза моладзі (вакансію заняў Аляксандар Далжэўскі) у сувязі з пераходам на сталую працу дэпутатам.

У 2000—2004 гадах дэпутат Палаты прадстаўнікоў Нацыянальнага сходу Рэспублікі Беларусь 2-га па Лідскай сельскай выбарчай акрузе № 57

25 сакавіка 2003 г. быў абраны першым сакратаром ЦК Беларускага рэспубліканскага саюза моладзі. 1 жніўня 2006 сышоў з паста кіраўніка БРСМ.

У 2004—2008 гады дэпутат Палаты прадстаўнікоў Нацыянальнага сходу Рэспублікі Беларусь 3-га скліканняў. Абодва разы — намеснік старшыні Пастаяннай камісіі па дзяржаўным будаўніцтве, мясцовым самакіраванні і рэгламенце. У 2008-2012 гадах абраны ў Палату Прадстаўнікоў 4-га склікання.

Член Рэспубліканскага Савета РГА «Белая Русь»^[2]. У 2014 годзе стаў старшынёй Федэрацыі прафсаюзаў Беларусі. У 2016—2019 гадах быў членам Савета Рэспублікі 6-га склікання^[3]. У 2015 і 2020 гг. узначальваў ініцыятыўныя групы кандыдата ў прэзідэнты (Аляксандра Лукашэнкі). У 2020 г. як кіраўнік ініцыятыўнай групы быў заказчыкам агітацыйнай прадукцыі, надрукаванай накладам 4,7 мільёна экзэмпляраў, якая, паводле некаторых аналітыкаў, распаўсюджвалася з парушэннем заканадаўства^[4][5].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Нёманскай акругі № 56. Член Пастаяннай камісіі па міжнародных справах^[1]. Новым старшынёй ФПБ стаў Юрый Сянько^[6].

Паводле справаздачы, падрыхтаванай Польскім фондам свабоды і дэмакратыі, Міхаіл Орда прымаў удзел у фальсіфікацыі парламенцкіх і прэзідэнцкіх выбараў, а таксама супрацоўнічаў з Камітэтам дзяржаўнай бяспекі ў здзяйсненні палітычных рэпрэсій^[7].

Пасля прэзідэнцкіх выбараў 2010 года, 2 лютага 2011 года быў унесены ў спіс беларускіх чыноўнікаў, якім забаронены ўезд на тэрыторыю ЕС за ўдзел у меркаваных падлогах ды парушэннях правоў чалавека^[8].

20 лістапада 2020 года ўнесены ў санкцыйныя спісы Літвы, Латвіі і Эстоніі^[9].

Жанаты, мае сына, дачку.

Узнагароджаны ордэнам Пашаны, медалём «За працоўныя заслугі» (2022)^[10], ганаровымі граматамі Нацыянальнага сходу Рэспублікі Беларусь, ганаровымі граматамі Адміністрацыі Прэзідэнта Рэспублікі Беларусь, Федэрацыі прафсаюзаў Беларусі, залатым знакам Усеагульнай канфедэрацыі прафсаюзаў. Мае дзве падзякі Прэзідэнта Рэспублікі Беларусь^[1].

• Інфармацыя на сайце Палаты Прадстаўнікоў Архівавана 3 снежня 2008.
• Хто ёсць хто ў Беларусі = Кто есть кто в Беларуси = Who’s who in Belarus / [Уклад.: Л. А. Андросік, В. Ф. Голубеў, К. А. Заброцкая, Г. Ф. Івуць, Л. Я. Кулажанка, В. А. Трыгубовіч (каардынатар), А. І. Фядута, В. А. Чуйко; Прадм. В. Трыгубовіч]. — Вільня: [б. в.], 2007. — 254, [1] с. — С. 154.

• Біяграфія на сайце Палаты прадстаўнікоў Нацыянальнага сходу Рэспублікі Беларусь