Вёска Красны Двор Краіна Беларусь Вобласць Віцебская Раён Віцебскі Сельсавет Мазалаўскі Каардынаты 55°20′46″ пн. ш. 30°18′36″ у. д.HGЯO Колькасць двароў 29 Насельніцтва 40 чалавек (2003) Часавы пояс UTC+3 Тэлефонны код +375 212 Паштовы індэкс 211318 Аўтамабільны код 2 СААТА 2212859071 Красны Двор на карце Беларусі ±

Кра́сны Двор^[1] (трансліт.: Krasny Dvor, руск.: Красный Двор) — вёска ў Віцебскім раёне Віцебскай вобласці. Уваходзіць у склад Мазалаўскага сельсавета.

З XIX ст. вядома яке маёнтак у Вярхоўскай воласці Віцебскага павета і губерні. У 1893 маёнтак належаў генерал-лейтэнанту У. П. Вітарфу. Дзейнічала школа граматы. У 1905 уласнасць памешчыка В. І. фон Вітарфа, якому належала 118 дзес. зямлі.

У 1922 арганізаваны саўгас «Красны Двор». З 20 жніўня 1924 вёска ў Бараўлянскім сельсавеце Лосвідскага раёна Віцебскай акругі, з 29 кастрычніка 1924 — Кузняцоўскага раёна Віцебскай акругі, з 27 ліпеня 1930 — Віцебскага раёна і вобласці. Паводле перапісу насельніцтва, Красны Двор значыўся як пасёлак, у якім у 1926 было 13 двароў, 55 жыхароў. У 1939 у Красны Двор пераселены жыхары населеных пунктаў Заазер'е, Аўсюкова, Алешкавічы.

У 1941 у вёсцы 40 двароў, 168 жыхароў. З ліпеня 1941 па чэрвень 1944 Красны Двор акупіраваны нямецкімі войскамі. У жніўні 1942 нямецкія акупацыйныя ўлады знішчылі ўсе двары і 19 жыхароў. У 1943—1944 у баях за вёску загінула 58 салдат Краснай Арміі.

У 1965 на ўскраіне вёкі на брацкай магіле савецкага воіна пастаўлены помнік — скульптура воіна.

З 20 снежня 1960 вёска ў Мазалаўскім сельсавеце. У 1969 тут 41 двор і 123 жыхары; 1 студзеня 2003 — 29 двароў і 40 жыхароў.

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.
• З гісторыі населеных пунктаў / Падрыхт. В. В. Віталева // Памяць: Гісторыка-дакументальная хроніка Віцебскага раёна / Рэдкал.: А. П. Красоўскі і інш.; Уклад. У. І. Мезенцаў; Маст. Э. Э. Жакевіч. — Мн.: Маст. літ., 2004. — 772 с.: іл. — С. 765. — ISBN 985-02-0647-0.

• На Вікісховішчы пакуль няма медыяфайлаў па тэме, але Вы можаце загрузіць іх