Дзмітрый Іванавіч Кулеба
укр.: Дмитро Кулеба
міністр замежных спраў Украіны[d] 4 сакавіка 2020 — 5 верасня 2024
Папярэднік	Вадзім Уладзіміравіч Прыстайка[d]
Пераемнік	Андрэй Іванавіч Сібіга
Намеснік Прэм’ер-міністра Украіны па пытаннях еўрапейскай і еўра-атлантычнай інтэграцыі[d] 29 жніўня 2019 — 4 сакавіка 2020
Папярэднік	Іванна Арэстаўна Клімпуш-Цынцадзэ[d]
Пераемнік	Вадзім Уладзіміравіч Прыстайка[d]
Нараджэнне	19 красавіка 1981(1981-04-19)[1] (43 гады) Сумы, Сумская вобласць, УССР, СССР[2][1]
Бацька	Іван Дзмітрыевіч Кулеба[d]
Жонка	Яўгенія Анатольеўна Кулеба[d][3]
Веравызнанне	Украінская праваслаўная царква Маскоўскага патрыярхата
Партыя	Слуга народа
Адукацыя	Інстытут міжнародных адносін Кіеўскага нацыянальнага ўніверсітэта імя Тараса Шаўчэнкі[d]
Навуковая ступень	кандыдат юрыдычных навук
Дзейнасць	дыпламат[4], дыпламатыя[5] і палітыка[5]
Месца працы	Кіеўскі нацыянальны ўніверсітэт імя Тараса Шаўчэнкі
Узнагароды
Медыяфайлы на Вікісховішчы

Дзмітрый Іванавіч Кулеба (укр.: Дмитро Іванович Кулеба; нар. 19 красавіка 1981(1981-04-19)^[1], Сумы^[2][1]) — украінскі дыпламат. Міністр замежных спраў Украіны (2020—2024).

Нарадзіўся 19 красавіка 1981 года ў Сумах.

У 2003 годзе скончыў Інстытут міжнародных адносін Кіеўскага нацыянальнага ўніверсітэта імя Тараса Шаўчэнкі па спецыяльнасці «Міжнароднае права». Кандыдат юрыдычных навук. Валодае англійскай, французскай і рускай мовамі.

З 2003 года — аташэ службы галоўнага юрысконсульта МЗС Украіны. У 2004—2005 гадах — аспірант кафедры міжнароднага права Інстытута міжнародных адносін Кіеўскага нацыянальнага ўніверсітэта імя Тараса Шаўчэнкі. У 2005 годзе — трэці сакратар упраўлення прававога забеспячэння МЗС Украіны. У 2005—2009 гадах быў трэцім і другім сакратаром Пастаяннага прадстаўніцтва Украіны пры міжнародных арганізацыях у Вене. У 2010—2012 гадах — першы сакратар, саветнік, начальнік упраўлення Сакратарыята Міністра замежных спраў Украіны. У 2013 годзе — дарадца віцэ-прэм’ера Украіны Канстанцін Грышчанкі па гуманітарных пытаннях. З 2013 года — кіраўнік Фонду культурнай дыпламатыі. У лістападзе 2013 года — лютым 2014 года прымаў актыўны ўдзел у Еўрамайдане.

Пасля пачатку расійскай агрэсіі супраць Украіны ў чэрвені 2014 года вярнуўся на працу ў МЗС Украіны па запрашэнні міністра Паўла Клімкіна. Займаў пасаду Надзвычайнага і Паўнамоцнага Пасла па пытаннях стратэгічных камунікацый. 9 красавіка 2016 года прызначаны пастаянным прадстаўніком Украіны пры Савеце Еўропы. З 29 жніўня]] 2019 года — намеснік прэм’ер-міністра Украіны па пытаннях еўрапейскай і еўраатлантычнай інтэграцыі. З 4 сакавіка 2020 года — Міністр замежных спраў Украіны ва ўрадзе Дзяніса Шмыгаля. Самы малады кіраўнік МЗС Украіны ў гісторыі. 24 жніўня 2021 года Д. І. Кулебе прысвоены дыпламатычны ранг Надзвычайнага і Паўнамоцнага Пасла. 5 верасня 2024 года зняты з пасады.

• На Вікісховішчы ёсць медыяфайлы па тэме Дзмітрый Іванавіч Кулеба