Васіль Трафімавіч Варанянскі
Дата нараджэння	25 жніўня 1901(1901-08-25)
Месца нараджэння	Дыканька, Дзіканьская воласць[d], Палтаўскі павет[d], Палтаўская губерня, Расійская імперыя
Дата смерці	14 верасня 1943(1943-09-14) (42 гады)
Месца смерці	СССР
Грамадзянства	СССР
Званне	палкоўнік[1]
Бітвы/войны	Грамадзянская вайна ў Расіі Баі ля возера Хасан Вялікая Айчынная вайна
Узнагароды і званні

Васіль Трафімавіч Варанянскі (25 жніўня 1901, г. п. Дзіканька, Палтаўская вобласць — 14 верасня 1943) — адзін з кіраўнікоў партызанскага руху на тэрыторыі Мінскай вобласці ў гады Вялікай Айчыннай вайны^[2].

У Чырвонай Арміі з 1919 года. Удзельнік Грамадзянскай вайны, баёў у раёне возера Хасан у 1938 годзе.

Напярэдадні вайны Васіль Варанянскі быў камандзірам асобнага батальёна сувязі ў Магілёве. 22 чэрвеня 1941 года Васіль Трафімавіч пайшоў на фронт. Апынуўся ў акружэнні. Са жменькай салдат ўпарта прабіваўся на ўсход, але лінія фронту ўсё адсоўвалася^[3]. У верасні 1941 года ён намацаў сувязі з партызанамі і хутка стаў камандзірам атрада^[4].

У партызанах з верасня 1941 года: камандзір групы, атрада, у верасні 1942 — верасень 1943 гадоў партызанскай брыгады «Народныя мсціўцы» імя В. Т. Варанянскага (брыгадзе прысвоена імя Варанянскага пасля яго гібелі)^[2].

У верасні 1943 года Васіль Трафімавіч быў выкліканы ў Маскву ў Цэнтральны штаб партызанскага руху. У ноч з 13 на 14 верасня на партызанскі аэрадром у Бягомлі прызямліўся самалёт, на якім камбрыг паляцеў у сталіцу. А праз некалькі гадзін у брыгаду прыйшла тэлеграма: «Палкоўнік Варанянскі загінуў пры пералёце лініі фронту»^[3].

Імем Варанянскага названы вуліцы ў Мінску і Плешчаніцах^[2].

• Воронянский Василий Трофимович(недаступная спасылка) (руск.)