Васіль Жарко
міністр аховы здароўя Рэспублікі Беларусь[d] 5 мая 2006 — 29 снежня 2016
Папярэднік	Віктар Пятровіч Рудэнка
Пераемнік	Валерый Анатольевіч Малашка
намеснік Прэм’ер-міністра Рэспублікі Беларусь[d] 29 снежня 2016 — 18 жніўня 2018
Папярэднік	Наталля Іванаўна Качанава
Пераемнік	Ігар Віктаравіч Петрышэнка
Нараджэнне	27 мая 1956(1956-05-27) (68 гадоў) Леснікі, Немяржанскі сельсавет, Драгічынскі раён, Брэсцкая вобласць, БССР, СССР[1]
Адукацыя	Мінскі медыцынскі інстытут (1984)[1] Акадэмія кіравання пры Прэзідэнце Рэспублікі Беларусь (2008)[1]
Месца працы	ААТ Банк БелВЭБ[2]
Узнагароды

Васіль Іванавіч Жарко (27 мая 1956, в. Леснікі Драгічынскага раёна Брэсцкай вобласці, БССР) — беларускі дзяржаўны дзеяч, міністр аховы здароўя Беларусі (2006—2016), Намеснік Прэм’ер-міністра Беларусі (2016—2018).

Нарадзіўся ў вёсцы Леснікі Драгічынскага раёна Брэсцкай вобласці Беларускай ССР у 1956 г.

1971—1975 — вучоба ў медыцынскім вучылішчы.

1975—1977 — служба ў шэрагах Савецкай Арміі.

У 1977 годзе — памочнік санітарнага ўрача раённай Санітарна-эпідэмічная станцыя г. Івацэвічы.

1977—1984 — студэнт Мінскага дзяржаўнага медыцынскага інстытута. Выдатнік аховы здароўя Беларусі.

1983—1991 — фельчар здароўпункту пры паліклініцы № 29 г. Мінску, урач-інтэрн дзіцячай абласной бальніцы г. Брэста, урач-тэрапеўт, раённы педыятар, загадчык аддзяленнем Драгічынскай раённай бальніцы.

1991—2002 — урач-інспектар, намеснік начальніка ўправы аховы здароўя Брэсцкага аблвыканкама.

2002—2003 — намеснік галоўнага ўрача Брэсцкай абласной дзіцячай бальніцы, дырэктар даччынага ўнітарнага прадпрыемства «Санаторый „Крыніца“».

2003—2005 — генеральны дырэктар УП «Белпрафсаюзкурорт».

з ліпеня 2005 года — выканаўца абавязкаў генеральнага сакратара Беларускага таварыства Чырвонага Крыжу.

5 мая 2006 года прызначаны міністрам аховы здароўя Беларусі.

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь.^[3], а 17 снежня 2015 года ўказам Прэзідэнта № 500 зноў зацверджаны на пасадзе міністра^[4].

29 снежня 2016 года прызначаны Намеснікам Прэм’ер-міністра Беларусі^[5].

18 жніўня 2018 года вызвалены ад пасады Намесніка Прэм’ер-міністра Рэспублікі Беларусь^[6]. В. Жарко ва ўрадзе курыраваў сацыяльныя пытанні, у тым ліку адукацыю, ахову здароўя і спорт. Незадоўга да адстаўкі В. Жарко 25 чэрвеня 2018 года старшыня Камітэта дзяржаўнай бяспекі Рэспублікі Беларусь Валерый Вакульчык паведаміў пра выкрыццё маштабнай карупцыйнай схемы ў сферы аховы здароўя і заключэнне пад варту, а таксама прымяненне іншых мераў стрымання ў дачыненні да 33 службовых асоб, у тым ліку і да намесніка Міністра аховы здароўя, некалькіх галоўных доктараў бальніц^[7].

Узнагароджаны юбілейным медалем «60 год вызвалення Рэспублікі Беларусь ад нямецка-фашысцкіх захопнікаў».

Жанаты, мае дачку.

• Старонка на праекце «Хто ёсць хто ў Рэспубліцы Беларусь»(недаступная спасылка) (руск.)
• Біяграфія на сайце Міністэрства аховы здароўя Архівавана 24 верасня 2010. (руск.)