Валянцін Баляслававіч Татарыцкі
Старшыня Дзяржаўнага камітэта па стандартызацыі Рэспублікі Беларусь 15 студзеня 2019 — 23 студзеня 2024
Прэзідэнт	Аляксандр Лукашэнка
Кіраўнік урада	Сяргей Румас Раман Галоўчанка
Папярэднік	Віктар Назаранка
Пераемнік	Алена Маргунова
Нараджэнне	21 красавіка 1963(1963-04-21)[1] (61 год) Ждановічы, Рубяжэвіцкі сельсавет, Стаўбцоўскі раён, Мінская вобласць, БССР, СССР[1]
Адукацыя	Мінскі радыётэхнічны інстытут (1986) Акадэмія кіравання пры Прэзідэнце Рэспублікі Беларусь (2009)
Месца працы	Гарызонт ААТ «Рудзенск»
Медыяфайлы на Вікісховішчы

Валянці́н Балясла́вавіч Татарыцкі (нар. 21 красавіка 1963, в. Ждановічы, Стаўбцоўскі раён, Мінская вобласць) — беларускі дзяржаўны дзеяч, старшыня Дзяржаўнага камітэта па стандартызацыі Рэспублікі Беларусь (2019—2024).

Нарадзіўся 21 красавіка 1963 года ў в. Ждановічы Стаўбцоўскага раёна Мінскай вобласці.

Скончыў Мінскі радыётэхнічны інстытут (1986), Акадэмію кіравання пры Прэзідэнце Рэспублікі Беларусь (2009).

У 1986—1988 гадах працаваў інжынерам-тэхнолагам завода «Сэнсар» Мінскага вытворчага аб’яднання «Гарызонт». З 1988 года працаваў у навукова-вытворчым комплексе мікраэлектронікі «Сігнал» Мінскага вытворчага аб’яднання «Гарызонт», займаў пасады інжынера-тэхнолага, вядучага інжынера-тэхнолага, намесніка начальніка цэха, намесніка начальніка вытворчасці, начальніка вытворчасці, галоўнага тэхнолага. З 1999 па 2015 год прайшоў шлях ад намесніка тэхнічнага дырэктара да дырэктара ААТ «Рудзенск» (Пухавіцкі раён Мінскай вобласці). У 2015 годзе быў назначаны намеснікам старшыні Дзяржаўнага камітэта па стандартызацыі Беларусі.

15 студзеня 2019 года прызначаны старшынёй Дзяржаўнага камітэта па стандартызацыі Рэспублікі Беларусь^[2].

23 студзеня 2024 года вызвалены з пасады старшыні Дзяржаўнага камітэта па стандартызацыі ў сувязі з тым, што будзе працаваць у якасці члена Калегіі (міністра) па тэхнічным рэгуляванні Еўразійскай эканамічнай камісіі^[3].

• Афіцыйная старонка на сайце Дзяржстандарта Архівавана 24 студзеня 2018. (руск.).