Анатоль Іосіфавіч Яблонскі (20 красавіка 1928, в. Багданава, Валожынскі раён, Мінская вобласць — 4 лютага 1995) — беларускі матэматык, доктар фізіка-матэматычных навук (1971, Аналітычныя ўласцівасці рашэнняў сістэм дыферэнцыяльных ураўненняў), прафесар (1974).

Скончыў Беларускі дзяржаўны ўніверсітэт (1951). Працаваў у Інстытуце матэматыкі АН БССР, у Беларускім інстытуце народнай гаспадаркі. Навуковыя працы па дыферэнцыяльных ураўненнях. Распрацаваў новыя метады класіфікацыі нелінейных дыферэнцыяльных ураўненняў па характары іх рухомых асаблівых пунктаў, правёў дэталёвае даследаванне ўласцівасцей рашэнняў ураўненняў Пенлевэ.

• Решение второго уравнения Пенлеве, продолжимое на всю вещественную ось // ДУ. 1971. Т. 7, № 6;
• О подвижных особенностях одного класса уравнений // ДУ. 1974. Т. 10, № 5;
• Подвижные особые точки дифференциального уравнения с экспоненциальной правой частью // ДУ. 1982. Т. 18, № 5.

• Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш. — Мн.: БелЭн, 2004. — Т. 18. — С. 225. — 472 с. — 10 000 экз. — ISBN 985-11-0295-4 (Т. 18 Кн. 1).