PROFILPELAJAR.COM

Аляксандр Аляксандравіч Алонцаў
Аляксандр Аляксандравіч Алонцаў
Дата нараджэння	24 студзеня 1941
Месца нараджэння	Брэст, Брэсцкая вобласць, БССР, СССР;
Дата смерці	19 чэрвеня 2013 (72 гады)
Род дзейнасці	мастак
Месца працы	Брэсцкая дзіцячая мастацкая школа[d]; Брэсцкі дзяржаўны ўніверсітэт імя А. С. Пушкіна;
Жанр	акварэль
Вучоба	мастацка-графічны факультэт ВДУ (1973); Украінскі паліграфічны інстытут (1979);
Уплыў	Іван Міхайлавіч Сталяроў і Фелікс Фёдаравіч Гумен
Член у	Беларускі саюз мастакоў;
Узнагароды	За заслугі ў выяўленчым мастацтве[d] (1991)

Аляксандр Аляксандравіч Алонцаў (нар. 24 студзеня 1941, г. Брэст — 19 чэрвеня 2013) — беларускі мастак.

Біяграфія

Нарадзіўся 24 студзеня 1941 года ў г. Брэсце ў сям’і ваеннаслужачага. Бацька, Аляксандр Іванавіч Алонцаў, гераічна загінуў у чэрвені 1941 года пры абароне Брэсцкай крэпасці^[1].

З 1950 года Аляксандр Алонцаў займаўся ў студыі выяўленчага мастацтва пад кіраўніцтвам Пятра Аляксеевіча Данеліі пры абласным Доме народнай творчасці. У 1958 годзе закончыў СШ № 6 г. Брэста^[1].

Скончыў у 1963^[1] годзе мастацка-графічны факультэт Віцебскага педагагічнага інстытута. Вучыўся ў І. Сталярова, Ф. Гумена^[2]. З 1964 года працаваў педагогам студыі выяўленчага мастацтва пры Брэсцкiм клубе чыгуначнікаў. З 1966 года — мастак-афарміцель Брэсцкага аддзялення Беларускай чыгункі.

У 1979 годзе — Украінскі паліграфічны інстытут імя І. Фёдарава ў Львове^[2] па спецыяльнасці «графіка»^[1]. Удзельнік мастацкіх выставак з 1976 года^[2]. Выканаў дыпломны праект: серыя плакатаў «Алімпійскія гульні „Масква-80“»^[1].

У 1976 годзе стаў арганізатарам і першым дырэктарам Брэсцкай дзіцячай мастацкай школы^[2], якой кіраваў да 2002 года, а выкладаў да 2005 года^[1]. Пасля мастацкай школы А. А. Алонцаў яшчэ нейкі час быў выкладчыкам на кафедры мастацка-графічных дысцыплін Брэсцкага ўніверсітэта імя А. С. Пушкіна^[1].

Член Беларускага саюза мастакоў з 1991 года. Жыў у г. Брэсце^[2].

Памёр 19 чэрвеня 2013 года.

Творчасць

Працуе пераважна ў акварэлі. Асноўныя творы: «У бубны дахаў вецер б’е…» (паводле верша М. Багдановіча «Завіруха»), «Палёўкі», «Зялёны шум», «Першыя кроплі». Творы знаходзяцца ў Нацыянальным мастацкім музеі Беларусі, Брэсцкім краязнаўчым музеі^[2].

Памяць

12 верасня 2014 года ў выставачнай зале Брэсцкага АГКЦ адкрылася мемарыяльная выстава «Аляксандр Алонцаў. Траекторыя творчасці». 31 ліпеня 2015 года ў Віцебскім мастацкім музеі была адкрыта выстава твораў А. А. Алонцава, — у горадзе, дзе ён вучыўся. У снежні 2015 года рашэннем Брэсцкага гарвыканкама Брэсцкай школе выяўленчых мастацтваў прысвоена імя А. А. Алонцава^[1].

Узнагароды

Прызёр сямі рэспубліканскіх конкурсаў плакатаў. Узнагароджаны медалём БСМ «За заслугі ў выяўленчым мастацтве» (1991)^[1].

Зноскі

↑ ^а ^б ^в ^г ^д ^е ^ё ^ж ^з 24 студзеня 2016 г. — 75 гадоў з дня нараджэння Аляксандра Аляксандравіча Алонцава (1941—2013), мастака, аўтара прац у станковай графіцы, акварэлі, педагога
↑ ^а ^б ^в ^г ^д ^е Алонцаў Аляксандр Аляксандравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Літаратура

Алонцаў Аляксандр Аляксандравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Спасылкі

[brl-1] а ^б ^в ^г ^д ^е ^ё ^ж ^з 24 студзеня 2016 г. — 75 гадоў з дня нараджэння Аляксандра Аляксандравіча Алонцава (1941—2013), мастака, аўтара прац у станковай графіцы, акварэлі, педагога

[БСМ-2] а ^б ^в ^г ^д ^е Алонцаў Аляксандр Аляксандравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

[1]

[2]