FreeDOS

FreeDOS
Загрузка FreeDOS 1.0 у эмулятары Bochs
Распрацоўшчык	Праект FreeDOS
Сямейства АС	DOS
Першы выпуск	12 студзеня 1998
Апошняя версія	1.1 — 1 студзеня 2012[1]
Падтрымлівае платформы	X86
Тып ядра	Маналітнае
Інтэрфейс	Камандны інтэрпрэтатар FreeCOM
Ліцэнзія	GNU GPL, іншыя (уключаючы несвабодныя)
Стан	Актуальнае
Рэпазітар зыходнага коду	github.com/FDOS
Вэб-сайт	freedos.sourceforge.net www.freedos.org
Медыяфайлы на Вікісховішчы

FreeDOS — гэта аперацыйная сістэма, сумяшчальная з MS-DOS. FreeDOS распаўсюджваецца на ўмовах GNU General Public License, уключае ў сябе некалькі праграм пад іншымі свабоднымі і несвабоднымі ліцэнзіямі.^[2] Праект быў распачаты ў 1994 годзе; версія 1.0 выйшла ў свет 3 верасня 2006 года.

Акрамя таго, у межах праекта FreeDOS распрацавана замена каманднаму інтэрпрэтатару MS-DOS (COMMAND.COM). Новы інтэрпрэтатар атрымаў назву FreeCOM.

Кампаніі Dell^[3], HP^[4] і Lenovo вырабляюць і пастаўляюць персанальныя камп’ютары з прадусталяванай аперацыйнай сістэмай FreeDOS, гэта зніжае агульны кошт камп’ютара (у параўнанні з прадусталяванай АС Windows). Таксама FreeDOS усталёўваецца на ноўтбукі Asus і Samsung^[5].

Дзякуючы DOS/32 (развіццё DOS/4GW) і Open Watcom (развіццё Watcom), FreeDOS прапануе лёгкае рашэнне для прамысловых камп'ютараў з архітэктурай PC.

Дыстрыбутыў FreeDOS уключае ў сябе вялікую колькасць бясплатных праграм — як напісаных спецыяльна для DOS, так і партаваных з уніксападобных сістэм з дапамогай DJGPP: утыліты, браўзеры (Lynx, Arachne), тэкставыя рэдактары (edlin, edit, vim, emacs), некалькі гульняў (у тым ліку FreeDoom), графічная сістэма GEM і інш.

• На Вікісховішчы ёсць медыяфайлы па тэме FreeDOS
• The FreeDOS Project (англ.). — Афіцыйны вэб-сайт праекта FreeDOS. Архівавана з першакрыніцы 18 мая 2012. Праверана 18 кастрычніка 2006.
• Свободная ДОС для свободных людей. Обзор FreeDOS. (нявызн.). — Обзор системы (журнал «Системный администратор» №3/2004). Архівавана з першакрыніцы 18 мая 2012. Праверана 5 студзеня 2012.