Эдуард Донал Томас
Дата нараджэння	15 сакавіка 1920(1920-03-15)[1][2][…]
Месца нараджэння	Mart[d], акруга Мак-Ленан, Тэхас, ЗША
Дата смерці	20 кастрычніка 2012(2012-10-20)[3][1][…] (92 гады)
Месца смерці	Сіэтл, акруга Кінг[d], Вашынгтон, ЗША[4][5]
Грамадзянства	ЗША
Жонка	Dottie Thomas[d]
Род дзейнасці	урач, выкладчык універсітэта, гематолаг, фізік
Навуковая сфера	медыцына
Месца працы	Вашынгтонскі ўніверсітэт
Альма-матар	Гарвардская медыцынская школа[d]
Член у	Нацыянальная акадэмія навук ЗША Польская акадэмія навук[6] Каралеўская акадэмія медыцыны Бельгіі[d]
Узнагароды	міжнародная прэмія Фонда Гайрднера (1990) Charles F. Kettering Prize[d] (1981) George M. Kober Medal[d] (1992) Karl Landsteiner Memorial Award[d]
Медыяфайлы на Вікісховішчы

Эдуард Донал То́мас^[7] (англ.: Dr. Edward Donnall (Don) Thomas, 15 сакавіка 1920, Март, ЗША — 20 кастрычніка 2012)^[8] — амерыканскі трансплантолаг, доктар медыцыны (1946), лаўрэат Нобелеўскай прэміі па медыцыне ў 1990 годзе разам з Джозефам Мары «за адкрыцці, якія датычацца трансплантацыі органаў і клетак пры лячэнні хвароб».

Скончыў Тэхаскі ўніверсітэт ў горадзе Остын (1943). З 1955 года ў Калумбійскім, з 1963 года Вашынгтонскім універсітэтах, з 1975 года ў Цэнтры па вывучэнні раку Сіэтле.

У 1956 годзе Э. Томас першым зрабіў перасадку касцявога мозга чалавеку пры лячэнні лейкеміі.

Аўтар навуковых прац па праблемах трансплантацыі касцявога мозга пры парушэннях кроваўтварэння; прапанаваў метады прыгнечання імунітэту (т.зв. праграмы імунадэпрэсіі) рэцыпіента для прадухілення рэакцыі адарвання трансплантанта.

Ганаровы прафесар універсітэта Вашынгтона і анкалагічнага даследчага цэнтра Фрэда Хатчынсана.

Томас быў адным з 21 лаўрэатаў Нобелеўскай прэміі, якія падпісалі Другі гуманістычны маніфест^[9].

Памёр ад сардэчнай недастатковасці 20 кастрычніка 2012 года.

• 1990 — Міжнародная прэмія Гайрднера.
• 1990 — Нацыянальны навуковы медаль ЗША.
• 1990 — Нобелеўская прэмія па фізіялогіі і медыцыне.
• 1987 — Karl Landsteiner Memorial Award and Lectureship^[10].
• 1981 — Прэмія імя Чарлза Кетырынга^[11].

• То́мас Эдуард Донал // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 484. — 10 000 экз. — ISBN 985-11-0035-8. — ISBN 985-11-0251-2 (т. 15).

• Аўтабіяграфія Э. Д. Томаса на сайце Нобелеўскага камітэту (англ.)
• Эдуард Томас на сайце Анкалагічнага даследчага цэнтра Фрэда Хатчынсана (англ.)