PROFILPELAJAR.COM

Франц Аляксеевіч Рубо
Франц Аляксеевіч Рубо
	руск.: Франц Алексеевич Рубо; фр.: François Iwan Roubaud
Дата нараджэння	5 (17) чэрвеня 1856
Месца нараджэння	Адэса, Адэскі павет, Херсонская губерня, Расійская імперыя;
Дата смерці	13 сакавіка 1928 (71 год)
Месца смерці	Мюнхен, Верхняя Баварыя, Баварыя, Веймарская рэспубліка, Германскі рэйх;
Месца пахавання	Баварыя;
Грамадзянства	Расійская імперыя, Германія
Род дзейнасці	мастак, выкладчык універсітэта, акварэліст
Месца працы	Вышэйшае мастацкае вучылішча пры Імператарскай Акадэміі мастацтваў[d];
Жанр	мастак-баталіст
Вучоба	Адэская малявальная школа, Мюнхенская акадэмія мастацтваў
Вядомыя працы	«Барадзінская бітва», «Абарона Севастопаля», «Штурм аула Ахульга»
Уплыў на	Q109543116?, Пётр Котаў[d], Q110271562?, Q119052795?, Міхаіл Іванавіч Авілаў і Q124446114?
	Медыяфайлы на Вікісховішчы

Франц Аляксеевіч Рубо (17 чэрвеня 1856 — 13 сакавіка 1928) — расійскі мастак-панараміст, аўтар палотнаў «Абарона Севастопаля», «Барадзінская бітва», «Штурм аула Ахульга».

Біяграфія

Нарадзіўся ў Адэсе ў сям'і французскага камерсанта, які ўгрунтаваўся ў Расіі. Вучыўся ў Адэскай малявальнай школе (1865—1877), а ў 1878—1883 — у мюнхенскай Акадэміі мастацтваў. Спецыялізаваўся ў батальным жывапісе, адначасова (як і шматлікія баталісты таго часу) звярнуўшыся да мастацтва шырокаахопных панарам, якія даюць, дзякуючы спалучэнню карціны з трохмерным макетам, ілюзію гістарычнай падзеі, якая праходзіць на вачах у гледача.

Пасля вяртання ў Расію атрымаў ад тыфліскага музея «Храм Славы» замову на серыю карцін з гісторыі каўказскіх войнаў. Апроч гэтых карцін (напісаных у 1885—1895) маштабным вынікам яго каўказскіх эцюдаў з'явілася панарама Штурм аўла Ахульга (1890), упершыню паказаная на мастацка-прамысловай выставе ў Ніжнім Ноўгарадзе (1896 — захаваліся толькі асобныя яе фрагменты, размешчаныя цяпер у краязнаўчым музеі Махачкалы). У 1902—1904 пад яго пачаткам у прадмесце Мюнхена групай нямецкіх мастакоў была створаная панарама Абарона Севастопаля, адкрытая ў 1905 у Севастопалі ў збудаваным для яе будынку. Іншы вядомай яго панарамай стала Барадзінская бітва. Праца над ёй ішла ў тых жа ўмовах, пры ўдзеле І. Г. Мясаедава і кансультанта Б. М. Калюбакіна (была адкрыта ў 1912 у адмысловым павільёне на Чыстых прудах у Маскве; пасля працяглай рэстаўрацыі яе ўзнавілі ў 1962 у новым будынку на Кутузаўскім праспекце). Сярод характэрных батальных палотнаў Рубо — Атака Навачаркаскага палка ў баю на рацэ Шаху (1907) і Барадзінскі бой (1913; абедзве — у Артылерыйскім гістарычным музеі, Пецярбург).

З 1903 — прафесар-кіраўнік батальнай майстэрні пецярбургскай Акадэміі мастацтваў (сярод яго вучняў быў М. Б. Грэкаў). У 1912 канчаткова з'ехаў ў Германію. Не маючы ў апошнія гады значных замоў, жыл амаль у поўным забыцці.