PROFILPELAJAR.COM

Святая Воля
Краіна	Беларусь
Вобласць	Брэсцкая
Раён	Івацэвіцкі
Сельсавет	Святавольскі
Каардынаты	52°32′10,55″ пн. ш. 25°40′49,61″ у. д.HGЯO
Першая згадка	1724 г.
Насельніцтва	403 чалавекі
Часавы пояс	UTC+3
Тэлефонны код	+375 1645
Паштовы індэкс	225274
Аўтамабільны код	1
	Святая Воля на Вікісховішчы

Свята́я Во́ля^[1] (трансліт.: Sviataja Volia, руск.: Святая Воля) — аграгарадок у Івацэвіцкім раёне Брэсцкай вобласці Беларусі. Адміністрацыйны цэнтр Святавольскага сельсавета.

Геаграфія

Знаходзіцца за 33 км у напрамку на паўднёвы ўсход ад горада Івацэвічы, за 169 км ад Брэста, за 33 км ад чыгуначнай станцыі Івацэвічы^[2]. Праз аграгарадок праходзіць аўтамабільная дарога Р6.

Гісторыя

Вядома з XVII стагоддзя як вёска ў Пінскім павеце. 23 лістапада 1724 года кароль Аўгуст II надаў ёй правы мястэчка^[2]. З 1793 года Святая Воля ў Пінскім павеце Мінскай губерні Расійскай імперыі. У 1886 годзе была цэнтрам воласці. У 1920—1939 гадах цэнтр гміны ў Косаўскім павеце Палескага ваяводства Польшчы, з 1939 года — у складзе БССР. З 1944 года Святая Воля стала цэнтрам сельсавета ў Целяханскім раёне Пінскай вобласці. З 1954 года ў Брэсцкай вобласці: у 1959—1962 гадах у Івацэвіцкім раёне, у 1962—1965 — у Бярозаўскім раёне, з 1965 года — у Івацэвіцкім раёне. 4 верасня 1972 года да вёскі далучана вёска Малая Гаць^[3].

Насельніцтва

1886 год — 448 жыхароў, 44 двары^[2].
2001 год — 567 жыхароў, 270 двароў^[2].

Інфраструктура

На тэрыторыі аграгарадка знаходзяцца: базавая школа, Дом культуры, шпіталь, філіял № 111 ААТ «ААБ Беларусбанк», аддзяленне сувязі, аптэка, крамы.

Гістарычныя і памятныя мясціны

Магіла ахвяр фашызму.
Помнік землякам, якія загінулі ў Вялікую Айчынную вайну.
У 1992^[2] годзе пабудавана праваслаўная Свята-Крыжаўзвіжанская царква.

Вядомыя асобы

Іван Іванавіч Паўлоўскі (нар. 1954) — педагог, вучоны, доктар педагагічных навук (2001).
Вячаслаў Чарнуха-Воліч (нар. 1963) — дырыжор.

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ ^а ^б ^в ^г ^д БелЭн 2002.
↑ Рашэнне выканаўчага камітэта Брэсцкага абласнога Савета дэпутатаў працоўных ад 4 верасня 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 27 (1365).

Літаратура

Святая Воля // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 275. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

На Вікісховішчы ёсць медыяфайлы па тэме Святая Воля
Святая Воля на «Radzima.org»
Святая Воля на «Globustut.by» (руск.)

[1] Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

[FOOTNOTEБелЭн2002-2] а ^б ^в ^г ^д БелЭн 2002.

[3] Рашэнне выканаўчага камітэта Брэсцкага абласнога Савета дэпутатаў працоўных ад 4 верасня 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 27 (1365).

[1]

[2]

[3]